༄༅།།2015ལོའི་རྒྱལ་ཁབ་རིམ་པའི་ཡིག་རྒྱུགས་ནང་བོད་ལྗོངས་ཀྱི་ལས་གནས་200ལྷག་ཡོད་པ།
གསར་འགྱུར་སྤེལ་དུས། 【2014ལོའི་ཟླ་ 10ཚེས་17ཉིན། 08:44】 (རྩོམ་སྒྲིག་འགན་འཁུར་པ། ལྷ་ལུང་།)
མི་དམངས་དྲ་བའི་འཕྲིན། གསར་དགོད་པས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའི་དྲ་ཚིགས་ཐོག་ནས་ཤེས་གསལ་ལྟར་ན། 2015ལོའི་རྒྱལ་ཁབ་ཀྱི་གཞུང་ཞབས་པའི་ཡིག་རྒྱུགས་ཀྱི་ཐོ་འགོད་འགོ་ཚུགས་ཡོད་པ་དང་། ཟླ་10ཚེས་24ཉིན་གྱི་ཆུ་ཚོད་18ཐོག་ཐོ་འགོད་བྱེད་མཚམས་འཇོག་རྒྱུ་རེད། ཡིག་རྒྱུགས་གཏོང་མཁན་རྣམས་ཀྱིས་ཐེངས་འདིར་བོད་ལྗོངས་ཀྱི་ལས་གནས་200ལྷག་ལ་ཐོ་འགོད་བྱེད་ཆོག་མོད། འོན་ཏེ་གསལ་འདེབས་བྱེད་དགོས་པ་ཞིག་ལ་བོད་ལྗོངས་ཀྱི་ལས་གནས་ཐོ་འགོད་མཁན་རྣམས་ཀྱིས་ཡིག་རྒྱུགས་སྤྲོད་ཡུལ་ངེས་པར་དུ་ལྷ་ས་འདེམས་དགོས་པས། ཁྱེད་ཅག་གིས་དགོངས་འཇགས་གནང་རོགས།