༄༅།།འཛམ་གླིང་ས་གནས་ཁག་གིས"སའི་གོ་ལའི་ཆུ་ཚོད་གཅིག"གི་བྱེད་སྒོར་ཞུགས་པ། 

     མི་དམངས་དྲ་བའི་འཕྲིན། ཟླ་3ཚེས་24ཉིན་འཛམ་གླིང་ཐོག་གི་ས་གནས་མི་ཉུང་བ་ཞིག་གི་གྲགས་ཅན་སྐྲུན་དངོས་ཚང་མ“སའི་གོ་ལའི་ཆུ་ཚོད་གཅིག”གི་བྱེད་སྒོར་ཞུགས་ཡོད། “སའི་གོ་ལའི་ཆུ་ཚོད་གཅིག”གི་བྱེད་སྒོ་ནི་འཛམ་གླིང་རང་བྱུང་ཐེབས་རྩ་ལྷན་ཚོགས་ཀྱིས་2007ལོར་གནམ་གཤིས་འགྱུར་ལྡོག་ལ་ཁ་གཏད་གཅོག་ཆེད་འབོད་སྐུལ་བྱས་པའི་གོ་ལ་ཧྲིལ་པོའི་བྱེད་སྒོ་ཞིག་རེད། བྱེད་སྒོ་དེས་མི་སྒེར་དང་། སྡེ་ཁུལ། ཁེ་ལས། སྲིད་གཞུང་བཅས་ལ་གཏན་འཁེལ་གྱི་ཆུ་ཚོད་གཅིག་ནང་དགོས་པ་མེད་པའི་གློག་བསད་ནས་གནམ་གཤིས་འགྱུར་ལྡོག་ལ་ཁ་གཏད་གཅོག་པའི་བྱ་སྤྱོད་ལ་རྒྱབ་སྐྱོར་བྱེད་ལུགས་མཚོན་པ་བྱེད་དགོས་པའི་འབོད་སྐུལ་བྱས་ཡོད་པ་རེད།