༄༅།།རི་མོ་མཁན་གྲགས་ཅན་གྱི་བརྩམས་ཆོས་རྫུན་བཟོ་བྱས་པའི་གྱོད་དོན་ཆེན་པོ་ཞིག་ཀུའེ་ཀྲོའུ་
ཉེན་རྟོག་ཕྱོགས་ཀྱིས་རྩད་ཆོད་པ།
གསར་འགྱུར་སྤེལ་དུས། 【2018ལོའི་ཟླ་ 01ཚེས་19ཉིན། 14:20】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཉེ་ཆར། ཀུའེ་ཀྲོའུ་ཞིང་ཆེན་ཙུན་དབྱི་གྲོང་ཁྱེར་སྤྱི་བདེ་ལས་ཁུངས་ཀྱིས་སྤྱི་བདེ་པུའུ་ཡི་སློབ་སྟོན་འོག དུས་ཡུན་ལོ་ཕྱེད་ལྷག་གི་རིང་ལ། ཧྥན་ཙེང་དང་ཆི་ཏུང་། ཆི་པའེ་ཧྲི་སོགས་རི་མོ་བ་གྲགས་ཅན་གྱི་བརྩམས་ཆོས་རྫུན་བཟོ་བྱས་པའི་གྱོད་དོན་ཆེན་པོ་ཞིག་རྩད་ཆོད་ཡོད་པ་དང་། ཉེས་གསོག་དྲ་སྦྲེལ་3གཏོར་ནས། དོགས་ཡོད་ཉེས་ཅན་24བཟུང་ཡོད་པ་དང་། རི་མོ་1165བརྩིས་ལེན་བྱས་ཤིང་། གྱོད་དོན་དང་འབྲེལ་བའི་མ་དངུལ་སྒོར་ཁྲི་2600ཞིབ་བཤེར་བྱས་པ་རེད།