༄༅།།ཀྲུང་གོའི་སྐར་མ་མིག་དམར་གྲོང་ཚོའི་རྣམ་གྲངས་ལ་རིགས་གཅིག་མཁས་པའི་ཞིབ་དཔྱད་
ལེགས་སྒྲུབ་བྱུང་བ།

     མི་དམངས་དྲ་བའི་འཕྲིན། ཟླ་12ཚེས་28ཉིན་གྱི་སྔ་དྲོ། ཀྲུང་གོའི་སྐར་མ་མིག་དམར་གྲོང་ཚོའི་(སྐར་མ་མིག་དམར་ལད་མོའི་རྟེན་གཞི་)ཡི་རྣམ་གྲངས་ལག་བསྟར་ཐུབ་པའི་ཞིབ་འཇུག་སྙན་ཞུ་པེ་ཅིང་དུ་ཨའུ་དབྱང་ཙི་ཡོན་ཡོནའ་ཧྲེས་ཚོ་ཆུང་གི་འགོ་འཛིན་གནང་བའི་རིགས་གཅིག་མཁས་པའི་དཔྱད་ཞིབ་ལེགས་སྒྲུབ་བྱུང་བ་རེད།
     ཀྲུང་གོའི་སྐར་མ་མིག་དམར་གྲོང་ཚོའི་རྣམ་གྲངས་འདེམས་ཡུལ་དེ་ཚྭ་འདམ་གཤོངས་སའི་བྱང་མཐའི་མཚོ་སྔོན་ཞིང་ཆེན་མཚོ་ནུབ་ཁུལ་ཚྭ་འདམ་སྲིད་འཛིན་ས་ཁུལ་གྱི་ཚྭ་འདམ་གྲོང་བརྡལ་ཧུང་ཡཱན་ལྷོ་མའི་ས་ཁུལ་དུ་གནས་ཡོད། གནས་འདིའི་ས་དབྱིབས་དང་ཆགས་སྟངས། བྱེ་སའི་མཛེས་ལྗོངས་བཅས་ནི་སྐར་མ་མིག་དམར་ཕྱི་ངོས་ཀྱི་རྣམ་པ་དང་ཧ་ཅང་འདྲ་བས། སའི་གོ་ལའི་ཐོག་གི་སྐར་མ་མིག་དམར་དང་འདྲ་ཤོས་ཀྱི་ས་ཁུལ་ཡིན་ཟེར།