༄༅།།ཧོའུ་སི་ཐོན་ས་ཁུལ་དུ་ཆུ་ལོག་གི་གནོད་འཚེ་ཆེན་པོ་བྱུང་ཡོད་པ།
གསར་འགྱུར་སྤེལ་དུས། 【2017ལོའི་ཟླ་ 08ཚེས་31ཉིན། 10:15】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། རྒྱ་མཚོའི་རླུང་འཚུབ་ཆེན་པོ"ཧ་ཝེ"ལས་བྱུང་བའི་དྲག་ཆར་གྱིས་ཨ་རིའི་ཐེ་ཁི་སཱ་སི་(Texas)མངའ་སྡེ་ཡི་ཧོའུ་སི་ཐོན་(Houston)ས་ཁུལ་དུ་བྱུང་མྱོང་མེད་པའི་ཆུ་ལོག་གི་གནོད་འཚེ་བྱུང་ནས་གནོད་ཐེབས་མང་པོ་ཞིག་སྲིད་གཞུང་གི་གནས་སྐབས་བདེ་འཁོད་དུ་བསྡད་ཡོད་པས། ཉེན་གཡོལ་ལས་ཁུངས་ལ་ཁུར་པོ་ཧ་ཅང་ལྕི་མོ་ཞིག་བྱུང་ཡོད་པ་རེད།
ད་ལྟ། ཧོའུ་སི་ཐོན་ས་ཁུལ་དུ་ཁྱོན་བསྡོམས་གནོད་ཐེབས་མང་ཚོགས་ཁྲི་1.7ལྷག་ཉེན་གཡོལ་ཁང་དུ་བསྡད་ཡོད་ལ། ཧོའུ་སི་ཐོན་གྱི་ཆེས་ཆེ་བའི་ཉེན་གཡོལ་ལྟེ་གནས་ཆིའོ་ཀྲི་·པུ་ལཱང་གྲོས་ཚོགས་ལྟེ་གནས་ཀྱིས་གནོད་ཐེབས་མི་གྲངས་9000ལྷག་ལས་བརྒལ་བ་ཞིག་སྣེ་ལེན་བྱས་ཡོད་པ་རེད།