༄༅།།ཧྥ་རན་སེ་རྒྱལ་ཁབ་ཀྱིས་ཕ་རི་སི་གྲོང་ཁུལ་དུ་ཡོད་པའི་སྐྱབས་བཅོལ་བའི་འདུས་སྡོད་ཁུལ་
གཙང་བཤེར་བྱས་པ།

     མི་དམངས་དྲ་བའི་འཕྲིན། གཟའ་འཁོར་སྔོན་མ་ནས་བཟུང་ཧྥ་རན་སེ་རྒྱལ་ཁབ་ཀྱིས་རྒྱལ་ས་ཕ་རི་སིའི་བྱང་རྒྱུད་དུ་ཡོད་པའི་ཅ་ལའེ་སྐྱབས་བཅོལ་བའི་འདུས་སྡོད་ཁུལ་གཙང་བཤེར་བྱེད་འགོ་བརྩམས་རྗེས། ཕ་རི་སི་གྲོང་ཁྱེར་གྱི་ཆུས་19པའི་སི་ཏ་ལིན་ཀེ་ལེ་ས་འོག་ལྕགས་ལམ་འབབ་ཚིགས་ཉེ་འཁོར་དུ་སྐྱབས་བཅོལ་བའི་མི་གྲངས་གློ་བུར་དུ་མང་དུ་སོང་བ་རེད། ཟླ་10ཚེས་31ཉིན་གྱི་སྔ་དྲོ་ནས་བཟུང་ཧྥ་རན་སེ་རྒྱལ་ཁབ་ཀྱི་ཉེན་རྟོག་ཕྱོགས་ཀྱིས་ས་ཁུལ་འདིར་བྱ་སྤྱོད་སྤེལ་ཏེ་སྐྱབས་བཅོལ་བའི་དཔང་ཡིག་ཞིབ་བཤེར་བྱས་ནས་ཁྲིམས་འགལ་གྱི་སྐྱབས་བཅོལ་བ་ཁ་ཤས་ཀྱི་གུར་གཙང་འབུད་བྱས་པ་རེད། 【1】  【2】  【3】  【4】