༄༅།།ཁོ་རེ་ཡ་ལྷོ་མའི་ཆིན་ཀྲོའུ་གྲོང་ཁྱེར་དུ་ས་ཡོམ་རིམ་པ་5.8བྱུང་བ།

     མི་དམངས་དྲ་བའི་འཕྲིན། ཁོ་རེ་ཡ་ལྷོ་མའི་མཉམ་འབྲེལ་གསར་འགྱུར་ཁང་གིས་ཁོ་རེ་ཡ་ལྷོ་མའི་གནམ་གཤིས་བརྟག་དཔྱད་ཁང་གིས་སྤེལ་བའི་གནས་འཕྲིན་ལ་གཞིགས་ན། ས་གནས་དེ་གའི་དུས་ཚོད་ཟླ་9ཚེས་12ཉིན་གྱི་ཆུ་ཚོད་20དང་སྐར་མ་32ཡས་མས་སུ་ཁོ་རེ་ཡ་ལྷོ་མའི་ཆིན་ཧྲང་པེ་ཏའོ་ཆིན་ཀྲོའུ་གྲོང་ཁྱེར་གྱི་ལྷོ་ནུབ་རྒྱུད་སྤྱི་ལེ་9ཡི་མཚམས་སུ་ ས་ཡོམ་རིམ་པ་5.8བྱུང་ཞིང་། རྒྱལ་ས་སེ་འོལ་དང་། ཧྥུའུ་ཧྲན། ཅིང་ཅི་ཏའོ་བཅས་ས་ཁུལ་ཚུད་པའི་ཁོ་རེ་ཡ་ལྷོ་མ་རྒྱལ་ཁབ་ཀྱི་ས་ཆ་མང་པོར་ཡོམ་ཚོར་བྱུང་བ་རེད།