༄༅།།ཡུན་ནན་བདེ་ཆེན་གྱིས་དམངས་གཞས་བཏང་ནས་ཕ་ཡུལ་ལ་བཅངས་པའི་བརྩེ་
སེམས་མཚོན་པ་བྱས་པ། 

     མི་དམངས་དྲ་བའི་འཕྲིན། ཡུན་ནན་ཁམས་པའི་སྲུང་སྐར་བརྙན་འཕྲིན་དྲ་བའི་ཐོག་གནས་ཚུལ་སྤེལ་བར་གཞིགས་ན། ཐེངས་བཅུ་གཅིག་པའི་ཀྲུང་གོའི་རིག་གནས་ཤུལ་བཞག་ཉིན་མོར་རྟེན་འབྲེལ་ཞུ་ཆེད། ཉེ་ཆར་ཡུན་ནན་ཞིང་ཆེན་བདེ་ཆེན་ཀྲོའུ་ཡིས“ཕ་ཡུལ་ལ་བརྩེ་སེམས་བཅངས། སྙན་པའི་གླུ་དབྱངས་ལེན”ཞེས་པའི་མི་རིགས་དམངས་ཁྲོད་གླུ་གཞས་འགྲན་བསྡུར་བྱེད་སྒོ་གཉེར་བ་རེད།
     སྐབས་འདིའི་གླུ་གཞས་བྱེད་སྒོའི་བརྗོད་དོན་གཙོ་བོ་ནི“ཕ་ཡུལ་ལ་བརྩེ་སེམས་བཅངས། སྙན་པའི་གླུ་དབྱངས་ལེན”ཞེས་པ་དེ་ཡིན་པ་དང་བདེ་ཆེན་ཀྲོའུ་ཡི་གྲོང་ཁྱེར་གཅིག་དང་རྫོང་གཉིས་ནས་ཡོང་བའི་རྒྱུན་འཛིན་པ་དང་དམངས་ཁྲོད་སྒྱུ་རྩལ་མི་སྣ་42ཀྱིས་མངོན་མིན་རིག་གནས་ཤུལ་བཞག་གི་གླུ་གར་ལེ་ཚན་31སེམས་ཀྱི་ཉི་ཟླ་གྲོང་ཁྱེར་དཀྱིལ་འཁོར་ཐང་ཆེན་དུ་གཅིག་སྡུད་ངང་འཁྲབ་པ་རེད།
     ཀྲུང་གོའི་ཡུན་ནན་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་བོད་རིགས་ཀྱི་ལ་གླུ་གཏོང་མཁན་པི་ཝང་ཞབས་བྲོའི་རྒྱུན་འཛིན་པ་ཆོས་འཛོམས་ཀྱིས་གསར་འགོད་པར། “དེ་རིང་ངས་འཁྲབ་པའི་དབྱང་ལའི་ལ་གླུ་ནི་ང་ཚོའི་མེས་པོས་བཞག་པའི་སྐོར་བྲོ་ཡིན་པ་དང་ངས་ཞབས་བྲོ་དེ་མུ་མཐུད་ངའི་སློབ་མ་དང་བུ་ཕྲུག་ལ་སློབ་རྒྱུ་ཡིན”ཞེས་བཤད་བྱུང་།
     ད་ཐེངས་ཀྱི་འཁྲབ་སྟོན་བྱེད་སྒོ་དེས་དམངས་ཁྲོད་རིག་གནས་སྒྱུ་རྩལ་ལ་ཕྱོགས་བསྡུས་རང་བཞིན་གྱི་འཁྲབ་སྟོན་གྱི་སྟེགས་བུ་ཞིག་བཏོད་ཡོད་ལ། མི་རིགས་ཀྱི་ཉམས་འགྱུར་དང་ས་གནས་ཀྱི་ཁྱད་ཆོས་ཟབ་མོ་ལྡན་ཡོད། ལ་གླུ་དང་། སྐོར་བྲོ། བརྩེ་གཞས། པི་ཝང་རྐྱང་དཀྲོལ་སོགས་ཀྱི་ཐོག་ནས་ས་ཆ་དེ་གའི་ཕུལ་བྱུང་དམངས་ཁྲོད་རོལ་དབྱངས་སྒྱུ་རྩལ་སྲུང་སྐྱོང་བྱས་པ་ནས་གར་སྟེགས་ཐོག་རིམ་གྱིས་འཁྲབ་སྟོན་བྱེད་ཐུབ་པ་མཚོན་ཡོད།