༄༅།།སི་རི་ཡའི་འཐབ་འཁྲུག་མཚམས་འཇོག་གི་གྲོས་མཐུན་དངོས་སུ་ལག་ལེན་བྱུང་བ།

      མི་དམངས་དྲ་བའི་འཕྲིན། ཕྱི་རྒྱལ་གྱི་སྨྱན་སྦྱར་སྡེ་ཁག་གིས་ཟླ་2ཚེས་27ཉིན་སྤེལ་བའི་ཕྱོགས་བསྡུས་གསར་འགོད་བྱས་པ་ལྟར་ན། ཨུ་རུ་སུ་དང་ཨ་རི་རྒྱལ་ཁབ་གཉིས་ཀྱིས་དེ་སྔོན་མཉམ་འབྲེལ་ངང་བསྒྲགས་པའི་སི་རི་ཡའི"འཐབ་འཁྲུག་མཚམས་འཇོག་གི་གྲོས་མཐུན"དེ་ས་གནས་དེ་གའི་དུས་ཚོད་ཟླ་2ཚེས་27ཉིན་དངོས་སུ་ལག་ལེན་བྱུང་བ་དང་། སི་རི་ཡ་རྒྱལ་ཁབ་ཀྱི་གདོང་གཏུག་ཕྱོགས་ཁག་སོ་སོས་འཐབ་འཁྲུག་མཚམས་འཇོག་གི་དུས་བཅད་ཐོན་པ་དང་བསྟུན་ནས་གྲོས་མཐུན་ནང་བཞིན་ལག་ལེན་བྱ་རྒྱུ་ཞེས་བསྟན། གལ་སྲིད"འཐབ་འཁྲུག་མཚམས་འཇོག"དེ་དངོས་སུ་ལག་ལེན་བྱུང་ན། འདི་ནི་ལོ་5ཡི་ནང་འཛམ་གླིང་རྒྱལ་ཁབ་སྟོབས་ཆེན་གྱིས་ཐེངས་དང་པོར་བདེ་བླག་ངང་སི་རི་ཡའི་ནང་འཁྲུག་མཚམས་འཇོག་པར་བྱས་པ་དེ་ཡིན་པ་རེད།