༄༅།།སྟོད་ལུང་བདེ་ཆེན་གྱི་གྲོང་མི་ནོར་བུ་ཚེ་རིང་ཚང་ལ་སློབ་ཆེན་པ་གསུམ་བྱུང་བ།

     མི་དམངས་དྲ་བའི་འཕྲིན། ཟླ་8ཚེས་12ཉིན་བོད་ལྗོངས་སྟོད་ལུང་བདེ་ཆེན་རྫོང་གི་གངས་ཆར་དཀར་གྲོང་ཚོའི་མང་ཚོགས་ཚོ་གྲོང་མི་ནོར་བུ་ཚེ་རིང་གི་ཁྱིམ་དུ་འཛོམས་ནས་ཁོ་ཚང་གི་བུ་མོ་གསུམ་པ་བྱམས་སྒྲོན་ལགས་ད་ལོར་ཁྲུང་ཆིང་དགེ་འོས་སློབ་ཆེན་ལ་རྒྱུགས་འཕྲོད་པར་ཕེབས་སྐྱེལ་ཞུ་བ་རེད།
     གྲོང་མི་ནོར་བུ་ཚེ་རིང་ཚང་ལ་བུ་མོ་གསུམ་ཡོད་པ་དང་། ད་ལོར་བུ་མོ་ཆུང་བ་བྱམས་སྒྲོན་ལགས་སློབ་ཆེན་དུ་རྒྱུགས་འཕྲོད་པ་ན། ཁོ་ཚང་གི་བུ་མོ་གསུམ་པོ་སློབ་ཆེན་སློབ་མར་གྱུར་བ་རེད། བུ་མོ་ཆེ་བ་བདེ་སྐྱིད་སྒྲོལ་མས་2008ལོར་ཞན་དབྱང་བོད་ལྗོངས་མི་རིགས་སློབ་ཆེན་དུ་རྒྱུགས་འཕྲོད་པ་དང་།  བུ་མོ་འབྲིང་བ་ཚེ་རིང་པད་མས་2012ལོར་ལྷོ་ནུབ་མི་རིགས་སློབ་ཆེན་དུ་རྒྱུགས་འཕྲོད་པ་རེད།