༄༅།།ཨུ་རུ་སུ་རྒྱལ་ཁབ་ཏུ་མེ་སྐྱོན་ཚབས་ཆེན་བྱུང་བ་དེ་རྒྱལ་མཚམས་ལས་བརྒལ་ཏེ་
རང་རྒྱལ་གྱི་མི་སེར་ལ་གནོད་སྐྱོན་བཟོས་པ།

     མི་དམངས་དྲ་བའི་འཕྲིན། ཟླ་4ཚེས་13ཉིན་ཨུ་རུ་སུ་རྒྱལ་ཁབ་ཀྱི་རྩ་ར་ཞིག་ལ་མེ་སྐྱོན་ཆེན་པོ་བྱུང་ཞིང་རྒྱལ་མཚམས་ལས་བརྒལ་ཏེ་རང་རྒྱལ་ནང་སོག་ཨེར་གུ་ནཱ་གྲོང་ཁྱེར་ཧའེ་ཧྲན་ཐོའུ་གྲོང་རྡལ་དུ་ཡོད་པའི་དུད་ཚང་97ལ་མེ་སྐྱོན་ཕོག་ཅིང་། ཐད་ཀའི་དཔལ་འབྱོར་གྱོང་གུན་སྒོར་ཁྲི་2000ལྷག་བཟོས་པ་རེད། མིག་སྔར་མི་སྣར་རྨས་སྐྱོན་བྱུང་བའི་སྙན་སེང་ཞུ་བ་འབྱོར་མེད་པ་རེད། པར་རིས་ནི་མེ་གསོད་བཞིན་པའི་གནས་ཚུལ་ཡིན་པ།