༄༅།།ལི་ཁེ་ཆང་གིས་དམངས་གཙོའི་ཏང་ཤོག་ཁག་དང་རྒྱལ་ཡོངས་བཟོ་ཚོང་མཉམ་འབྲེལ་
ལྷན་ཚོགས་ཀྱི་འགན་ཁུར་པ་དང་ཏང་ཤོག་གང་ལའང་མི་གཏོགས་པའི་མི་སྣའི་
འཐུས་ཚབ་ཀྱི་བཞུགས་མོལ་ཚོགས་འདུར་གཙོ་སྐྱོང་གནང་བ། 

མི་དམངས་དྲ་བའི་འཕྲིན། ཉེ་སྔོན་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ཀྲུང་ནན་ཧའེ་རུ་བཞུགས་མོལ་ཚོགས་འདུར་གཙོ་སྐྱོང་གནང་སྟེ་རྒྱལ་ཡོངས་ཀྱི་ཚོགས་ཆེན་གཉིས་མ་འཚོགས་གོང་ལ་དམངས་གཙོའི་ཏང་ཤོག་ཁག་གི་ཀྲུང་དབྱང་དང་། རྒྱལ་ཡོངས་བཟོ་ཚོང་མཉམ་འབྲེལ་ལྷན་ཚོགས་ཀྱི་འགན་ཁུར་པ། ཏང་ཤོག་གང་ལའང་མི་གཏོགས་པའི་མི་སྣའི་འཐབ་ཚབ་བཅས་ཀྱིས་༼ སྲིད་གཞུང་གི་ལས་དོན་སྐོར་གྱི་སྙམ་ཞུ་（བསམ་འཆར་བསྡུ་ལེན་འཆར་ཟིན་）༽ལ་དགོངས་འཆར་དང་གྲོས་འགོ་གང་ཡོད་བཏོན་པར་གསན་པ་རེད། འདི་ནི་ཀྲུང་གོའི་གུང་ཁྲན་ཏང་གིས་འགོ་ཁྲིད་བྱེད་པའི་ཏང་མང་མཉམ་ལས་དང་ཆབ་སྲིད་གྲོས་མོལ་ལམ་ལུགས་ཀྱི་མཚོན་ཚུལ་གལ་ཆེན་ཞིག་ཡིན་ལ། རྒྱལ་སྲིད་སྤྱི་ཁྱབ་ཁང་གི་ལས་སྒྲུབ་ལམ་ལུགས་གལ་ཆེན་ཞིག་ཀྱང་རེད།