མི་དམངས་དྲ་བའི་འཕྲིན། ཟླ་5ཚེས་30ཉིན་རྒྱལ་སྲིད་སྤྱི་ཁྱབ་ཁང་གི་ཙུང་ལི་ལི་ཁེ་ཆང་གིས་ན་ལུན་ཏེ་ལ་མོ་ཏི་ལ་གློག་འཕྲིན་བཏང་ནས་ཁོང་གིས་རྒྱ་གར་གྱི་ཙུང་ལིའི་འགན་བསྟུད་མར་བཞེས་པར་རྟེན་འབྲེལ་ཞུས་པ་རེད།
ལི་ཁེ་ཆང་གིས་རྟེན་འབྲེལ་གློག་འཕྲིན་ནང་། ཕྱོགས་གཉིས་པོའི་ཐུན་མོང་འབད་བརྩོན་འོག མིག་སྔར་ཀྲུང་གོ་དང་རྒྱ་གར་གྱི་འབྲེལ་བ་རྒྱུན་མཐུད་ངང་གོང་དུ་འཕེལ་བཞིན་ཡོད་པ་དང་།
ཁྱབ་ཁོངས་ཁག་གི་མཉམ་ལས་རྒྱུན་ཆད་མེད་པར་གཏིང་ཟབ་ཏུ་ཕྱིན་ཡོད། འདི་ནི་ཀྲུང་གོ་དང་རྒྱ་གར་རྒྱལ་ཁབ་གཉིས་པོ་དང་རྒྱལ་ཁབ་གཉིས་པོའི་མི་དམངས་ཀྱི་ཐུན་མོང་གི་རེ་སྒུག་དང་མཐུན་པ་མ་ཟད། གོ་ལ་ཧྲིལ་པོ་དང་ས་ཁུལ་ལ་བརྟན་ལྷིང་རང་བཞིན་དང་དྲང་ནུས་ཀྱང་མཁོ་འདོན་བྱས་ཡོད་པ་རེད་ཅེས་གསུངས་པ་དང་། ངས་ཙུང་ལི་མོ་ཏི་དང་མཉམ་དུ་འབད་བརྩོན་བྱས་ནས་ཀྲུང་གོ་དང་རྒྱ་གར་གྱི་འཕེལ་རྒྱས་རོགས་ཟླའི་འབྲེལ་བ་དམ་པོ་དེ་རྒྱུན་ཆད་མེད་པར་འཕེལ་རྒྱས་གསར་པ་ཡོང་རྒྱུར་སྐུལ་འདེད་གཏོང་འདོད་ཡོད་ཅེས་གསུངས་པ་རེད།
|
|
