༄༅།།ཞིང་ཆེན་སྒྲོལ་བའི་ཏང་ཡོན་ཞབས་ཞུ་རུ་ཁག་མཚོ་བོད་ས་མཐོར་གཞི་ཚུགས་པ།

     མི་དམངས་དྲ་བའི་འཕྲིན། ཉིན་ཤས་གོང་། ས་བབ་མཐོ་ཚད་སྨི་4000ལྷག་ཙམ་གྱི་སར་གནས་པའི་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཀྲོའུ་ཡུལ་ཤུལ་གྲོང་ཁྱེར་རག་ཤུལ་སྟོད་མ་ཤང་ལྟེ་བའི་ཞག་སྡོད་སློབ་ཆུང་དུ་རྒྱལ་ཁབ་གློག་དྲ་ཀྲེ་ཅང་གློག་ཤུགས（ཧང་ཀྲོའུ）གྲུ་དམར་གུང་ཁྲན་ཏང་ཡོན་ཞབས་ཞུ་རུ་ཁག་དང་དགེ་སློབ་ཚོས་འོད་ཤུགས་གློག་གསོག་ལག་རྩལ་སྤེལ་རེས་དང་། གློག་སྤྱོད་སློབ་ཁྲིད་མ་ལག་ཉམས་བཟོ། སློབ་མའི་གློག་སྤྱོད་བདེ་འཇགས་བཅས་ཀྱི་སློབ་ཚན་ཁྲིད་པ་རེད། ཤེས་རྟོགས་བྱུང་བར་གཞིགས་ན། འདི་ནི་གྲུ་དམར་ཞབས་ཞུ་རུ་ཁག་ལོ་8བསྟུད་མར“ཡུལ་ཤུལ་དུ་བཀྲག་མདངས་འཚེར་བར་བྱེད”ཅེས་པའི་དབུལ་སྐྱོར་འདུ་འགོད་ཀྱི་བྱེད་སྒོ་སྤེལ་བ་དང་ལོ་7རིང་རིམ་རྩིས་བྱས་ན་སློབ་གྲྭ་22ལ་ཕན་པ་ཐོབ་པ་མ་ཟད། བོད་ཁུལ་གྱི་མི་འབོར་དབུལ་པོ་ཁྲི་3ལྷག་ལ་ཕན་པ་ཐོབ་སྟེ་ཡུལ་ཤུལ་དུ་སྔོན་ལ་སློབ་གྲྭ་ཚང་མར་གློག་ཤར་གཏོང་ཐུབ་རྒྱུ་མངོན་འགྱུར་བྱུང་ཡོད།