༄༅།།བོད་བྱང་ཐང་དུ།

     མི་དམངས་དྲ་བའི་འཕྲིན། ཟླ་དང་པོའི་བོད་བྱང་ཐང་དུ། མཚན་མོ་དྲོད་ཚད་ཀླད་ཀོར་འོག་གི་ཧྲེ་ཧྲི་ཏུའུ་25མན་ཟིན་ཞིང་། འདི་ནི་བདག་དུ་མ་བཟུང་བའི་སྲོག་ཆགས་ཀྱི་དགའ་ཚལ་ཡིན། རྒྱང་རིང་དུ་བལྟས་པ་ན། གཙོད་དང་འབྲོང་། རྐྱང་། ཁྲུང་ཁྲུང་སྐེ་ནག་སོགས་རྩ་ཆེའི་རི་དྭགས་དང་འདབ་ཆགས་ཡོད་དེ། ཡིད་འོང་མ་ཞིག་མཐོ་སྒང་དུ་རྒྱུ་བའི་ཚུལ་དུ་སྣང་།
     བྱང་ཐང་ནི་ཁུ་ནུ་རི་བོ་དང་།—ཨ་ཆེན་གངས་རྒྱབ།—གདང་ལ།—གཉན་ཆེན་ཐང་ལྷ།—གངས་ཏི་སེའི་རི་རྒྱུད་བཅས་ཀྱིས་བསྐོར་ཏེ་ཡུལ་ལུང་གཞན་དང་འབྲེལ་མེད་ཀྱི་སྐམ་སའི་མ་ལག་ཞིག་ཏུ་གྲུབ་ཅིང་། མཐོ་ཚད་ཆ་སྙོམས་རྒྱ་མཚོའི་ངོས་ལས་སྨི་5000ཡན་ཡོད་པ་རེད། མཐོ་སྒང་གྲང་ངད་ཆེ་ལ་གསོ་རླུང་མི་འདང་བའི་དབང་གིས་ལོ་རྒྱུས་ཐོག་འདི་ཁུལ་དུ་ཡོང་མཁན་ཉུང་བས། གོ་ལ་ཧྲིལ་པོས་དོ་སྣང་བྱ་ཡུལ"མི་མེད་ལུང་སྟོང་ཁུལ"དང་དག་ཞིང་མཐའ་མར་གྱུར་ཡོད། ཡུལ་འདིའི་ས་གཙང་སྲུང་སྐྱོང་ཡག་པོར་བྱེད་ཆེད། 1993ལོར། བོད་རང་སྐྱོང་ལྗོངས་ཀྱིས་ཁུལ་འདིར་རང་བྱུང་སྲུང་སྐྱོང་ཁུལ་བཙུགས་པ་དང་། 2000ལོའི་ཟླ་4པར། རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དུ་བསྒྱུར་པ་རེད།