༄༅།།དབྱི་རག་རྒྱལ་ཁབ་ཀྱི་མི་སེར་ཚོ་དམག་འཁྲུག་གི་ཟིང་ཆའི་རྐྱེན་གྱིས་ཕ་ཡུལ་དང་ཁ་བྲལ་བ།

     ཟླ་11ཚེས་3ཉིན་མོ་སུར་(Mosul)གྲོང་ཁྱེར་ཤར་རྒྱུད་ཀྱི་སྤྱི་ལེ་25ཡི་མཚམས་ན་ཡོད་པའི་ཧ་ཙིར་སྒར་ས་ཡིས་མི་སེར་3000ལྷག་ཙམ་བསྡུ་ལེན་བྱས་ཤིང་། འདི་ནི་ཉེ་བའི་གཟའ་འཁོར་གསུམ་རིང་ཉིན་གཅིག་ལ་བསྡུ་ལེན་བྱས་པའི་མི་སེར་མང་ཤོས་ཀྱི་ཉིན་ཞིག་རེད། ཚེས་3ཉིན་མཉམ་འབྲེལ་རྒྱལ་ཚོགས་སྐྱབས་བཅོལ་བའི་ལས་ཁུངས་ཀྱིས་ཟླ་10ཚེས་17ཉིན་མོ་སུར་དུ་དམག་འཐབ་བྱེད་འགོ་བརྩམས་པ་ནས་བཟུང་མི་སེར་ཁྲི་2ལྷག་ཙམ་དམག་འཁྲུག་གི་ཟིང་ཆའི་རྐྱེན་གྱིས་རང་ཡུལ་དང་ཁ་བྲལ་བ་རེད། མིག་སྔར་ད་དུང་མི་སེར་ཁྲི་150ལྷག་ཙམ་སྔར་བཞིན་དམག་འཐབ་ཁུལ་དུ་འཚོ་སྡོད་བྱེད་བཞིན་ཡོད་ཅེས་བརྗོད་པ་རེད།