༄༅།།བོད་ལྗོངས་ཀྱི་ན་གཞོན་ཚོས་བྱིས་པ་ལོང་བ་ཚོར་གཅེས་སྐྱོང་བྱས་པ།

     མི་དམངས་དྲ་བའི་འཕྲིན། ཟླ་5ཚེས་4ཉིན་བོད་རང་སྐྱོང་ལྗོངས་ཀྱི་འཕེལ་རྒྱས་དང་བསྒྱུར་བཅོས་ཨུ་ཡོན་ལྷན་ཁང་དང་བོད་ལྗོངས་གསར་སྤེལ་མ་འཇོག་ཚོགས་པའི་ཀུང་སིའི་ན་གཞོན་དང་བླངས་པ་40ཡིས་བོད་ལྗོངས་བདེ་སྐྱིད་བྱིས་པ་ལོང་བའི་བུ་བཅོལ་ཁང་གི་བྱིས་པ་ཚོ་དང་མཉམ་དུ་བྱིས་པའི་རོལ་རྩེད་གླིང་དུ་རོལ་རྩེད་བྱེད་པར་ཕྱིན་པ་དང་། བྱིས་པ་ཚོ་དང་མཉམ་དུ་སྤྲོ་སྐྱིད་ལྡན་པའི་ཉིན་མོ་ཞིག་རོལ་བ་རེད། དང་བླངས་པ་ཚོས་ད་དུང་བདེ་སྐྱིད་བྱིས་པ་ལོང་བའི་བུ་བཅོལ་ཁང་ལ་རྩེད་ཆས་དང་རོགས་དངུལ་ཡང་ལེགས་སྐྱེས་སུ་ཕུལ་བ་རེད།