༄༅།།“བོད་ལྗོངས་གཞོན་ནུའི་ལྔ་བཞིའི་བྱ་དགའི་གཟེངས་རྟགས་”སྩོལ་བའི་གཟེངས་བསྟོད་
ཚོགས་ཆེན་སྐབས་བཅུ་གཉིས་པ་ལྷ་ས་རུ་འཚོགས་པ།

     མི་དམངས་དྲ་བའི་འཕྲིན།  ཟླ་4ཚེས29ཉིན་བོད་ལྗོངས་གུང་གཞོན་ཚོགས་པས་ལྔ་བཞིའི་ལས་འགུལ་སྤེལ་ནས་ལོ་ངོ་97འཁོར་བར་དྲན་གསོ་ཞུ་བ་དང་“བོད་ལྗོངས་གཞོན་ནུའི་ལྔ་བཞིའི་བྱ་དགའི་གཟེངས་རྟགས་”སྩོལ་བའི་་གཟེངས་བསྟོད་ཚོགས་ཆེན་སྐབས་１２པ་བོད་ལྗོངས་མི་དམངས་ཚོགས་ཁང་ཆེ་མོར་འཚོགས་ཤིང་། ཚོགས་ཆེན་ཐོག་2015ལོ་འཁོར་མོའི་བོད་ལྗོངས་ཡོངས་ཀྱི་ཕུལ་བྱུང་གུང་གཞོན་ཚོགས་པ་དང་། གུང་གཞོན་ཚོགས་པའི་ལས་བྱེད་པ། ལྔ་བཞིའི་དར་དམར་གུང་གཞོན་ཚོགས་པའི་ཨུ་ཡོན་ལྷན་ཁང་(གུང་གཞོན་ཚོགས་པའི་ཀྲི་པུའུ)སོགས་བོད་ལྗོངས་ཀྱི་ལས་རིགས་སོ་སོར་གྲུབ་འབྲས་མངོན་གསལ་དོད་པོ་ཐོབ་པའི་གཞོན་ནུ་ཕུལ་བྱུང་ཅན་དང་སྔོན་ཐོན་གྱི་མཉམ་སྡེབ་ཁག་ཅིག་ལ་གཟེངས་བསྟོད་བྱས་ཏེ་བོད་ལྗོངས་ཀྱི་མི་རིགས་ཁག་གི་གཞོན་ནུ་ཚོས་“ལྔ་བཞིའི”སྙིང་སྟོབས་རྒྱུན་འཛིན་དང་དར་སྤེལ་གཏོང་བར་སྐུལ་མ་གཏོང་བ་དང་ཁྲིད་སྟོན་བྱས་པ་རེད།