༄༅།།སྐབས་32པའི་ཀྲུང་གོ་ཧར་པིན་རྒྱལ་སྤྱིའི་གངས་འཁྱགས་དུས་ཆེན་སྤེལ་འགོ་ཚུགས་པ།
གསར་འགྱུར་སྤེལ་དུས། 【2016ལོའི་ཟླ་ 01ཚེས་06ཉིན། 15:37】 (རྩོམ་སྒྲིག་འགན་འཁུར་པ། བཀྲ་ཤིས།)
མི་དམངས་དྲ་བའི་འཕྲིན། ཟླ་1ཚེས་5ཉིན། སྐབས་32པའི་ཀྲུང་གོ་ཧར་པིན་རྒྱལ་སྤྱིའི་གངས་འཁྱགས་དུས་ཆེན་ཧར་པིན་གྲོང་ཁྱེར་དུ་སྤེལ་འགོ་བརྩམས་པ་དང་། ཟླ་གསུམ་གྱི་དུས་ཆེན་སྤེལ་ཡུན་ནང་། ཧར་པིན་གྲོང་ཁྱེར་དུ་གངས་འཁྱགས་ཡུལ་སྐོར་དང་གངས་འཁྱགས་རིག་གནས། གངས་འཁྱགས་དར་སྲོལ། གངས་འཁྱགས་དཔལ་འབྱོར་ཚོང་ལས། གངས་འཁྱགས་ལུས་རྩལ་བཅས་ཀྱི་འགྲེམས་སྟོན་རིགས་ཆེན་པོ་5ཡི་བྱ་འགུལ་ལེ་ཚན་བརྒྱ་ལྷག་སྤེལ་རྒྱུ་ཡིན་པ་རེད།