༄༅།།རྒྱལ་ཡོངས་མི་དམངས་འཐུས་ཚོགས་ཀྱི་བོད་ལྗོངས་སྐུ་ཚབ་ཚོགས་པས་ཧོ་ལན་རྒྱལ་
ཁབ་ཏུ་འཚམས་འདྲི་གནང་བ།

     མི་དམངས་དྲ་བའི་འཕྲིན། ཟླ་12ཚེས་7ཉིན་བོད་རང་སྐྱོང་ལྗོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་པད་མ་འཕྲིན་ལས་ཀྱིས་སྣེ་ཁྲིད་གནང་བའི་རྒྱལ་ཡོངས་མི་དམངས་འཐུས་ཚོགས་ཀྱི་བོད་ལྗོངས་སྐུ་ཚབ་ཚོགས་པས་ཧོ་ལན་རྒྱལ་ཁབ་ཀྱི་ཕྱི་འབྲེལ་པུའུ་ཆབ་སྲིད་སྤྱི་ཁྱབ་སི་ཀྲང་གཞོན་པ་ཧ་སི་ཕེར་སི་དང་ཐུག་འཕྲད་བྱས་པ་མ་ཟད། ཧོ་ལན་རྒྱལ་ཁབ་ཕྱི་འབྲེལ་པུའུ་ཡི་ཨེ་ཤེ་ཡའི་སི་ཆེན་དང་ཕྱོགས་མང་ལས་དོན་དང་འགྲོ་བ་མིའི་ཐོབ་ཐང་སིའི་འགན་ཁུར་བ་དང་གྲོས་མོལ་ཡང་བྱས་ཏེ་བོད་ལྗོངས་སུ་མི་རིགས་ས་ཁོངས་རང་སྐྱོང་ལམ་ལུགས་ལེགས་འགྲུབ་ངང་ལག་བསྟར་བྱས་ཚུལ་དང་ཀྲུང་དབྱང་སྲིད་གཞུང་གིས་བོད་ལྗོངས་ལ་འཛིན་པའི་བྱེད་ཕྱོགས་དང་སྲིད་ཇུས་སོགས་མཚམས་སྦྱོར་བྱས་པ་རེད།