༄༅།།《ཞིས་ཅིན་ཕིང་གིས་རྒྱལ་སྲིད་སྐྱོང་སྟངས་སྐོར་གླེང་བ་》ཞེས་པའི་བོད་ཡིག་པར་མ།

     མི་དམངས་དྲ་བའི་འཕྲིན། བོད་རང་སྐྱོང་ལྗོངས་དབུ་བརྙེས་ནས་ལོ་ལྔ་བཅུ་འཁོར་བའི་སྐབས་སུ་《ཞིས་ཅིན་ཕིང་གིས་རྒྱལ་སྲིད་སྐྱོང་སྟངས་སྐོར་གླེང་བ་》ཞེས་པའི་བོད་ཡིག་པར་མ་མཚམས་སྦྱོར་ངོ་སྤྲོད་ཀྱི་ཚོགས་འདུ་དེ་ཟླ་8ཚེས་27ཉིན་གྱི་སྔ་དྲོར་བོད་ལྗོངས་ཏང་ཨུད་དྲིལ་བསྒྲགས་པུའུ་(ལྗོངས་སྲིད་གཞུང་གསར་འགྱུར་གཞུང་དོན་ཁང)རུ་འཚོགས་པ་རེད།
     ན་ནིང་གི་ཟླ་9པར་《ཞིས་ཅིན་ཕིང་གིས་རྒྱལ་སྲིད་སྐྱོང་སྟངས་སྐོར་གླེང་བ》ཞེས་པའི་དེབ་དེའི་རྒྱ་ཡིག་དང་ཕྱིའི་སྐད་ཡིག་བརྒྱད་དུས་གཅིག་ཏུ་པར་དུ་བསྐྲུན་པས་རྒྱལ་ཁབ་ཕྱི་ནང་དུ་ཚུར་སྣང་ལན་ཆ་དྲག་པོ་བྱུང་བ་དང་རྒྱ་ཁྱབ་ཏུ་དོ་ཁུར་ཐོབ། འདི་ལོའི་ལོ་འགོར་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་དང་མཉམ་དུ་ཀྲུང་གོ་མི་རིགས་སྐད་ཡིག་ཡིག་སྒྱུར་ཅུས་དང་མི་རིགས་དཔེ་སྐྲུན་ཁང་སོགས་ཚན་པ་སྒྲིག་འཛུགས་བྱས་ཏེ་བོད་ཡིག་པར་མ་ཚུད་པའི་གྲངས་ཉུང་མི་རིགས་ཀྱི་སྐད་ཡིག་ལྔའི་པར་མའི་ཡིག་སྒྱུར་ལས་དོན་སྤེལ་ཞིང་། ཉེ་ཆར་《ཞིས་ཅིན་ཕིང་གིས་རྒྱལ་སྲིད་སྐྱོང་སྟངས་སྐོར་གླེང་བ་》ཞེས་པའི་བོད་ཡིག་པར་མ་དེ་མི་རིགས་དཔེ་སྐྲུན་ཁང་གིས་དངོས་སུ་པར་སྐྲུན་འགྲེམས་སྤེལ་བྱས།