༄༅།།གླུ་གར་ཆེ་གྲས་《པད་མ་བའི་རྗེས་ཤུལ་》ཞེས་པ་ལན་ཀྲོའུ་གྲོང་ཁྱེར་དུ་འཁྲབ་སྟོན་བྱས་པ།

     མི་དམངས་དྲ་བའི་འཕྲིན། ཟླ་7ཚེས་7ཉིན་རང་རྒྱལ་གྱི་གནའ་སྔ་མོ་ནས་ཡོད་ཅིང་ལྐོག་གྱུར་གྱི་མཚར་སྣང་ལྡན་པའི་ཚོ་རིགས་ཤིག་སྟེ་པད་མ་བའི་(白马人)ལོ་རྒྱུས་རིག་གནས་བརྗོད་བྱ་གཙོ་བོར་བྱས་པའི་གླུ་གར་ཆེ་གྲས་《པད་མ་བའི་རྗེས་ཤུལ་》ཞེས་པ་ལན་ཀྲོའུ་གྲོང་ཁྱེར་དུ་འཁྲབ་སྟོན་བྱས་པ་རེད།
     པད་མ་བོད་རིགས་ནི་བོད་མི་རིགས་ཀྱི་ཡན་ལག་ཅིག་ཡིན་ཞིང་། མིག་སྔར་པད་མ་བའི་མི་གྲངས་བསྡོམས་འབོར་14000ཡོད་པ་དང་། གཙོ་བོར་ཀན་སུའུ་ཞིང་ཆེན་གྱི་ཝུན་རྫོང་དང་། སི་ཁྲོན་ཞིང་ཆེན་གྱི་ཕིང་ཝུའུ་རྫོང་། གཟི་རྩ་སྡེ་དགུ་རྫོང་བཅས་སུ་གཞིས་ཆགས་ཡོད་ལ། ཁོང་ཚོར་ཐུན་མོང་མ་ཡིན་པའི་སྐད་ཆ་དང་། རྒྱན་གོས་ཆ་ལུགས། གླུ་གར། ཡུལ་སྲོལ་གོམས་གཤིས་བཅས་ཡོད།