༄༅།།ཐའེ་ཝན་བསྐྱར་དར་མཁའ་འགྲུལ་ཀུང་སིའི་གནམ་གྲུ་ཞིག་ལ་ཆག་སྒོ་བྱུང་ནས་མི་
31རྐྱེན་ལམ་དུ་ཤོར་བ་དང་། མི་15ལ་རྨས་ཕོག་པ།

       མི་དམངས་དྲ་བའི་འཕྲིན། ཟླ་2ཚེས་4ཉིན་གྱི་ཆུ་ཚོད་10དང་སྐར་མ་56ཐོག་ ATR72རྟགས་ཅན་གྱི་ཐའེ་ཝན་བསྐྱར་དར་མཁའ་འགྲུལ་ཀུང་སིའི་དམངས་སྤྱོད་འགྲུལ་སྐྱེལ་གནམ་གྲུ་ཞིག་ཐའེ་པའེ་ནས་ཅིན་མོན་དུ་འཕུར་སྐྱོད་བྱེད་པའི་ལམ་བར་དུ་གློ་བུར་དུ་ཆག་སྒོ་བྱུང་བ་རེད། ཚེས་5ཉིན་གྱི་ཕྱི་དྲོ་བར། གནམ་གྲུའི་ཆག་སྒོ་ཁྲོད་མི་31རྐྱེན་ལམ་དུ་ཤོར་བ་དང་། མི་15ལ་རྨས་ཕོག་པ། མི་12གར་སོང་ཆ་མེད་དུ་གྱུར་འདུག   གནམ་གྲུའི་ནང་སྐམ་སའི་ཡུལ་སྐོར་བ་མི་31ཡོད་པ་དང་། དེའི་ནང་མི་3ལ་རྨས་ཕོག་པ་དང་། མི་22རྐྱེན་ལམ་དུ་ཤོར་བ། མི་6ད་དུང་འཚོལ་རྙེད་བྱུང་མེད་པ་རེད།