༄༅།།སློབ་གསོ་པུའུ་ཡིས་ས་གནས་མཐོ་རིམ་སློབ་ཆེན་བརྗེ་འགྱུར་གོང་འཕེལ་ལ་སྣེ་ཁྲིད་བྱེད་
པར་བཙུགས་པའི་བཀོལ་སྤྱོད་ལག་རྩལ་སློབ་ཆེན་མནའ་འབྲེལ་ནང་དུ་
མཐོ་རིམ་སློབ་ཆེན་བརྒྱ་ལྷག་ཞུགས་པ།

     མི་དམངས་དྲ་བའི་སློབ་གསོ་པུའུ་ཡིས་རྒྱལ་ཁབ་གསར་གཏོད་སྒུག་ཤུགས་ཀྱི་ཐབས་ཇུས་ལ་ཞབས་ཞུ་དང་། ས་གནས་མཐོ་རིམ་སློབ་ཆེན་བརྗེ་འགྱུར་གོང་འཕེལ་ལ་སྐུལ་འདེད་བྱེད་པར་དམིགས་པའི་བཀོལ་སྤྱོད་ལག་རྩལ་སློབ་ཆེན་མནའ་འབྲེལ་བཙུགས་ནས་ལོ་ངོ་གཅིག་སོང་བའི་ནང་དུ། མཐོ་རིམ་སློབ་ཆེན་101དངོས་སུ་དེའི་ནང་དུ་ཞུགས་ཡོད། ཤེས་རྟོགས་བྱུང་བར་གཞིགས་ན། བཀོལ་སྤྱོད་ལག་རྩལ་སློབ་ཆེན་མནའ་འབྲེལ་ནི་སྤྱི་ལོ་༢༠༡༣ལོའི་སྤྱི་ཟླ་༦པའི་ནང་བཙུགས་ཤིང་། ཐོག་མའི་དུས་ཀྱི་ཁོངས་ཞུགས་སློབ་ཆེན་ལ་ས་གནས་ཀྱི་དངོས་གཞི་སློབ་ཆེན་35ཡོད་པ་རེད། མིག་སྔར་མནའ་འབྲེལ་འདིར་ཁོངས་ཞུགས་སློབ་ཆེན་101ཡོད་པ་དང་། དེའི་ནང་གཞུང་བཙུགས་ཀྱི་ས་གནས་དངོས་གཞི་སློབ་ཆེན་དང་དམངས་གཉེར་དངོས་གཞི་སློབ་ཆེན། རང་ཚུགས་སློབ་གླིང་དང་ལས་རིགས་སློབ་གསོའི་གླིང་ཁུལ་བཅས་ཚུད་ཡོད་པ་རེད།