༄༅།།ཀྲུང་ཁྲེ་ཀྲུའུ་འཕྲུལ་གྱིས་ས་གནས་དེ་གར་ཐོན་སྐྱེད་བྱེད་པའི་ཐོག་ནས་ཐུར་ཁེའི་ཁྲོམ་ར་བཏོད་པ། 

     མི་དམངས་དྲ་བའི་འཕྲིན། ཐུར་ཁེའི་རྒྱལ་ས་ཨན་ཁ་རར་གནས་པའི་ཀྲུའུ་འཕྲུལˉMNGའཁོར་ལམ་མ་ལག་འཁོར་རིགས་བཟོ་ལས་དང་ཚོང་དོན་ཚད་ཡོད་ཀུང་སི་ནི(ཀྲུའུ་འཕྲུལˉMNGཀུང་སི)ཀྲུང་གོ་ཀྲུང་ཁྲེ་ཀྲུའུ་ཀྲོའུ་གློག་ཤུགས་མེ་འཁོར་ཚད་ཡོད་ཀུང་སི(ཀྲུང་ཁྲེ་ཀྲུའུ་འཕྲུལ་ཀུང་སི)དང་ཐུར་ཁེའི་MNGཚོགས་པ་ཀུང་སིས་མ་དངུལ་མཉམ་འཇོག་བྱས་ནས་བཙུགས་པ་ཞིག་ཡིན་པ་དང་ 2014ལོའི་ཟླ་11ནས་བཟུང་ཨན་ཁ་རའི་ས་འོག་ལྕགས་ལམ་མེ་འཁོར་ཐོན་སྐྱེད་བྱས། མིག་སྔར་ཐོན་རྫས་ཨན་ཁ་རའི་གྲོང་ཁུལ་གྱི་ས་འོག་ལྕགས་ལམ་གྱི་ལམ་ཐིག་4ལ་སྤྱད་ཡོད་པས་ཕྱོགས་ཁག་གི་བསྔགས་བརྗོད་ཐོབ་ཡོད།