༄༅།།ཞང་ཀང་མེ་སྐྱོན་སྔོན་འགོག་ཁྲུའུ་ཡིས་ལོ་ངོ་150འཁོར་བར་རྟེན་འབྲེལ་ཞུ་བའི་ཚོགས་ཆེན་ཚོགས་པ།

     མི་དམངས་དྲ་བའི་འཕྲིན། ཟླ་5ཚེས་9ཉིན། ཞང་ཀང་དམིགས་བསལ་སྲིད་འཛིན་ཁུལ་སྲིད་གཞུང་མེ་སྐྱོན་སྔོན་འགོག་ཁྲུའུ་དེ་བཙུགས་ནས་ལོ་ངོ་150འཁོར་བར་རྟེན་འབྲེལ་ཞུ་ཆེད། ཅུང་ཅུན་ཨའོ་མེ་སྐྱོན་སྔོན་འགོག་དང་མྱུར་སྐྱོབ་སློབ་གླིང་དུ་ཚོགས་ཆེན་ཚོགས་ཡོད། ཁྱོན་མེ་སྐྱོན་སྔོན་འགོག་ཁྲུའུ་ཁོངས་གཏོགས་ཀྱི་ས་གནས་ཡོངས་ཁག་གི་ལུས་རྩལ་མཉམ་སྦྱོང་ཡན་ལག་རུ་ཁག་7ཚོགས་ཆེན་ནང་ཞུགས་ཡོད་པ་དང་། མེ་སྐྱོན་སྔོན་འགོག་གི་རླངས་འཁོར་18སྐོར་སྐྱོད་འགྲེམས་སྟོན་དང་དེ་བཞིན་མྱུར་སྐྱོབ་ཞབས་ཞུ་བྱས་ཡོད་པ་རེད།