༄༅།།རང་རྒྱལ་གྱི་སྐམ་སའི་རྩད་ཞིབ་སྲུང་སྐར་ཨང་གསུམ་པ་འཕེན་གཏོང་ལམ་ལྷོངས་བྱུང་བ། 

     མི་དམངས་དྲ་བའི་འཕྲིན། ཟླ་1ཚེས་13ཉིན་གྱི་ཆུ་ཚོད་15དང་སྐར་མ་10ཙམ་ལ། རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་ནས་རྒྱང་སྐྱོད་ཨང་གཉིས་པའི་སྐྱེལ་འདྲེན་མེ་ཤུགས་འཕུར་མདའ་ང་པས་སྐམ་སའི་རྩད་ཞིབ་སྲུང་སྐར་ཨང་གསུམ་པ་མཁའ་དབྱིངས་སུ་འཕེན་གཏོང་བྱས་པ་ལམ་ལྷོངས་བྱུང་སྟེ་སྔོན་གཏན་འཁེལ་བའི་འཁོར་ལམ་ཐོག་སླེབས་པ་རེད། སྲུང་སྐར་དེ་ནི་སྐམ་སའི་ཐོན་ཁུངས་རྒྱང་ཚོར་རྩད་ཞིབ་ཐད་གཙོ་བོར་སྤྱོད་རྒྱུ་ཡིན་པ་རེད། དེ་ནི་རྒྱང་སྐྱོད་རྟགས་ཅན་ཁོངས་གཏོགས་ཀྱི་སྐྱེལ་འདྲེན་མེ་ཤུགས་འཕུར་མདའ་འཕུར་ཐེངས་263ཡིན་པ་རེད།