༄༅།།རུ་ཁག་16གིས་ཀྲུང་གོའི་མཚོ་སྔོན་རྒྱལ་སྤྱིའི་འཁྱགས་ལྟིར་གདན་ཞུའི་འགྲན་བསྡུར་
སྐབས་དང་པོར་འགྲན་བསྡུར་བྱེད་པ།

     མི་དམངས་དྲ་བའི་འཕྲིན། ཟླ་12ཚེས་11ཉིན་གྱི་ཕྱི་དྲོར། ཀྲུང་གོའི་རྒྱལ་སྤྱིའི་འཁྱགས་ལྟིར་གདན་ཞུའི་འགྲན་བསྡུར་སྐབས་དང་པོ་མཚོ་སྔོན་ཞིང་ཆེན་མདོ་པ་རྒྱལ་ཁབ་མཐོ་སྒང་ལུས་རྩལ་སྦྱོང་བརྡར་རྟེན་གནས་སུ་འགྲན་བསྡུར་དངོས་སུ་བྱེད་འགོ་ཚུགས་པ་རེད། ཁ་ན་ཏ་དང་། ཨ་རི། འཇར་མན། ཨུ་རུ་སུ། སུའེ་ཙེར་སོགས་རྒྱལ་ཁབ་11ནས་ཕེབས་པའི་སྐྱེས་པ་དང་སྐྱེས་མའི་འཁྱགས་ལྟིར་རུ་ཁག་16ཁ་བ་ཅན་གྱི་མཐོ་སྒང་དུ་ཉིན་བདུན་རིང་གི་འགྲན་བསྡུར་བྱ་རྒྱུ་ཡིན་ཞིང་། འདི་ནི་ཀྲུང་གོའི་ནུབ་རྒྱུད་ས་ཁུལ་དུ་འཁྱགས་ལྟིར་འགྲན་བསྡུར་ཐེངས་དང་པོ་གཉེར་བ་ཡིན་ལ། རྒྱལ་སྤྱིའི་ཐོག་རྒྱ་མཚོའི་ངོས་ལས་ས་བབ་མཐོ་བའི་ས་ཁུལ་དུ་གཉེར་བའི་ཚད་གཞི་མཐོ་བའི་འཁྱགས་ལྟིར་འགྲན་བསྡུར་ཐེངས་དང་པོ་ཞིག་ཀྱང་རེད། 【1】  【2】  【3】  【4】  【5】  【6】