༄༅།།ལས་སྟེགས་བཏོད་ནས་འབབ་འཕར་ཡོང་བ་བྱས་པ། 

     མི་དམངས་དྲ་བའི་འཕྲིན། ཉེ་བའི་ལོ་ཤས་རིང་། བོད་ལྗོངས་མལ་གྲོ་གུང་དཀར་རྫོང་གི་ཁྱད་ལྡན་ཐོན་ལས་མགྱོགས་མྱུར་འཕེལ་རྒྱས་ཕྱིན་ཡོད་མོད། འོན་ཀྱང་ཐོན་རྫས་འོས་སྦྱོར་ཐད་རང་རང་སོ་སོ་བྱས་པས་བསྡུ་སྒྲིལ་ནུས་ལྡན་ཐུབ་མེད་པ་རེད། ཉེ་ཆར། མལ་གྲོ་གུང་དཀར་རྫོང་གིས་མལ་གྲོའི་ཉི་ལྕང་དང་འབྲི་གུང་གི་བག་ཆགས་ལྡན་པའི་ཁྱད་ལྡན་ཐོན་རྫས་ཉམས་ལེན་ལྟེ་གནས་བཙུགས་ནས། གཉེར་ཚོང་གི་ལས་སྟེགས་བཏོད་པ་དང་། བསྡུ་སྒྲིལ་ཕྱིར་ཚོང་བྱེད་པ་བཅས་བྱས་པས་ཁྱད་ལྡན་ཐོན་ལས་གཞི་ཁྱོན་ཅན་དང་། ཚད་ལྡན་ཅན། ཐོན་ལས་ཅན་བཅས་འཕེལ་རྒྱས་ལ་སྐུལ་མ་ཐེབས་ནས་ཞིང་འབྲོག་པར་འབབ་འཕར་ཡོང་རྒྱུར་འདེགས་སྐྱོར་ནུས་ལྡན་བྱས་ཤིང་། འདི་ནི་བོད་ལྗོངས་མལ་གྲོའི་ཉི་ལྕང་དང་འབྲི་གུང་གི་བག་ཆགས་ལྡན་པའི་ཁྱད་ལྡན་ཐོན་རྫས་ཉམས་ལེན་ལྟེ་གནས་སུ་ཕྱིར་ཚོང་མི་སྣས་ཟོག་སྒྲོམ་ཐོག་ཐོན་རྫས་བསྒྲིགས་པའི་གནས་ཚུལ་ཡིན་པ།