༄༅།།ཀུ་ཤུ་ཀུང་སིའི་2016ལོའི་དཔྱིད་དུས་ཀྱི་ཐོན་རྫས་གསར་པ་ཁྱབ་བསྒྲགས་བྱས་པ།

     ས་གནས་དེ་གའི་ཆུ་ཚོད་ཟླ་3ཚེས་21ཉིན་གྱི་ཆུ་ཚོད་10:00སྟེང་ཀུ་ཤུ་ཀུང་སིས་དཔྱིད་དུས་ཀྱི་ཐོན་རྫས་གསར་པ་ཁྱབ་བསྒྲགས་ཚོགས་འདུ་ཨ་རིའི་ཁ་ལི་ཧྥུ་ཉི་ཡ་མངའ་སྡེའི་ཁུ་ཕེར་ཐི་ནོ་རུ་འཚོགས་ཤིང་། ཚོགས་འདུ་ཐོག་དེ་སྔོན་གསལ་རྗེན་བྱུང་བའི་དབྱིན་ཚུན་4ཅན་གྱི་iPhone SEཐོན་རྫས་གསར་པ་དེ་དངོས་སུ་མི་རྣམས་ཀྱི་མིག་ལམ་དུ་མངོན་པ་རེད། ཐོན་རྫས་གསར་པ་དེའི་རིན་གོང་ནི་ནང་གསོག་16GBཅན་ལ་ཨ་སྒོར་399དང་ནང་གསོག་64GBཅན་ལ་ཨ་སྒོར་499ཡིན་ཞིང་། ཟླ་3ཚེས་24ཉིན་ནས་བཟུང་མངགས་ཉོ་བྱེད་འགོ་འཛུགས་རྒྱུ་དང་ཟླ་3ཚེས་31ཉིན་ནས་བཟུང་དངོས་སུ་ཚོང་ར་ནས་འཚོང་འགོ་འཛུགས་རྒྱུ་རེད།