༄༅།།བོད་ལྗོངས་འཐུས་མི་ཚོགས་པས"ལོ་ལྔ་ཚན་བཅུ་གསུམ་པའི"འཆར་འགོད་ཀྱི་མདོ་དོན་
འཆར་ཟིན་ལ་གྲོས་ཞིབ་བྱས་པ།

     མི་དམངས་དྲ་བའི་འཕྲིན། ཟླ་3ཚེས་7ཉིན་གྱི་ཕྱི་དྲོར། སྐབས་བཅུ་གཉིས་པའི་རྒྱལ་ཡོངས་མི་དམངས་འཐུས་མི་གྲོས་ཚོགས་ཐེངས་བཞི་བའི་བོད་ལྗོངས་འཐུས་མི་ཚོགས་པས་སྒོ་འབྱེད་པའི་ཚན་ཆུང་ཚོགས་འདུ་བསྡུས་ཏེ"ལོ་ལྔ་ཚན་བཅུ་གསུམ་པའི"འཆར་འགོད་ཀྱི་མདོ་དོན་འཆར་ཟིན་ལ་གྲོས་ཞིབ་བྱས་པ་མ་ཟད། རྒྱལ་ཁབ་ཕྱི་ནང་གི་སྨྱན་སྦྱོར་གསར་འགོད་པས་བཏོན་པའི་དྲི་བར་ལན་བཏབ་པ་རེད། མི་དམངས་ཉིན་རེའི་ཚགས་པར་ཁང་དང་ཤིན་ཧྭ་གསར་འགྱུར་ཁང་། ཧྥེང་ཧོང་བརྙན་འཕྲིན་ཁང་། ལུའུ་ཐེའུ་ཧྲི་གསར་འགྱུར་ཁང་། ཧྥ་རན་སིའི་གསར་འགྱུར་ཁང་ལ་སོགས་པའི་རྒྱལ་ཁབ་ཕྱི་ནང་གི་སྨྱན་སྦྱོར་ལས་ཁུངས་ཀྱི་གསར་འགོད་པ་170ལྷག་བཅར་འདྲི་བྱེད་པར་སླེབས་ཡོད་པ་རེད།