༄༅།།བོད་ཀྱི་དེང་རབས་བུད་མེད་རྩོམ་པ་པོའི་དཔེ་ཚོགས་གཉིས་པ་དཔེ་སྐྲུན་ལེགས་འགྲུབ་བྱུང་བ།
གསར་འགྱུར་སྤེལ་དུས། 【2016ལོའི་ཟླ་ 03ཚེས་08ཉིན། 15:26】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཉེ་ཆར་བོད་ཀྱི་དེང་རབས་བུད་མེད་རྩོམ་པ་པོའི་དཔེ་ཚོགས་གཉིས་པ་དེ་སི་ཁྲོན་མི་རིགས་དཔེ་སྐྲུན་ཁང་ནས་དཔར་སྐྲུན་ལེགས་འགྲུབ་བྱུང་བ་དང་། མི་འགྱངས་པར་སྤྱི་ཚོགས་སུ་བཀྲམ་ཐུབ་རྒྱུ་ཡིན་པ་རེད། འདི་ལོའི་བོད་ཀྱི་དེང་རབས་བུད་མེད་རྩོམ་པ་པོའི་དཔེ་ཚོགས་དེ་ནི་བདེ་སྐྱིད་སྒྲོལ་མས་བརྩམས་པའི་《བྱུར་དམར་འཁྲི་ཤིང་》དང་། བོད་གཞུག་སྐྱིད་ཀྱིས་བརྩམས་པའི་《སྐྱ་རེངས།》 ཚེ་སྒྲོན་སྐྱིད་ཀྱིས་བརྩམས་པའི་《ཞེན།》 ཚེ་རིང་འཚོས་བརྩམས་པའི་《ཨ་མའི་བཞོ་ཟེའུ།》 འཆི་མེད་ཀྱིས་བརྩམས་པའི་《ཆུའི་ལང་ཚོ་》བཅས་ཀྱིས་གྲུབ་ཡོད་པ་རེད།