༄༅།།དཔྱིད་གསར་དུས་ཆེན་གྱི་དུས་སུ་རྒྱལ་ཡོངས་སུ་འགྲུལ་བ་མི་ཐེངས་དུང་ཕྱུར་4བསྐྱལ་ཞིང་
ལོ་གོང་མའི་དུས་མཉམ་དང་བསྡུར་ན་6.7%འཕར་ཡོད་པ།

     མི་དམངས་དྲ་བའི་འཕྲིན། འགྲིམ་འགྲུལ་སྐྱེལ་འདྲེན་པུའུ་ཡིས་སྤྱི་ཟླ་2ཚེས་14ཉིན་སྤེལ་བའི་གསར་འགྱུར་ལྟར་ན། ཟླ་2ཚེས་7ནས་ཚེས་13ཉིན་བར་གྱི་དཔྱིད་གསར་དུས་ཆེན་གྱི་རྫོགས་ལྡན་གཟའ་འཁོར་གྱི་དུས་སུ། རྒྱལ་ཡོངས་ཀྱི་འགྲུལ་བ་བསྐྱལ་ཚད་མི་ཐེངས་དུང་ཕྱུར་4ཟིན་ཡོད་པ་དང་། ན་ནིང་གི་དུས་མཉམ་དང་བསྡུར་ན་6.7%འཕར་ཡོད་པ་རེད། དེའི་ཁྲོད་དུ་ལྕགས་ལམ་ནས་མི་ཐེངས་ཁྲི་4777.6བསྐྱལ་ཞིང་། ལོ་གོང་མའི་དུས་མཉམ་དང་བསྡུར་ན་6.1%འཕར་བ་དང་། གཞུང་ལམ་ནས་མི་ཐེངས་དུང་ཕྱུར་3.33བསྐྱལ་ཞིང་། ལོ་གོང་མའི་དུས་མཉམ་དང་བསྡུར་ན་7.0%འཕར་བ། ཆུ་ཐོག་ནས་མི་ཐེངས་ཁྲི་1009བསྐྱལ་ཞིང་། ལོ་གོང་མའི་དུས་མཉམ་དང་བསྡུར་ན་3.2%འཕར་བ། དམངས་སྤྱོད་མཁའ་འགྲུལ་ནས་མི་ཐེངས་ཁྲི་854.4བསྐྱལ་ཞིང་། ལོ་གོང་མའི་དུས་མཉམ་དང་བསྡུར་ན་2.9%འཕར་བ་བཅས་རེད།