༄༅།།ལྷ་སའི་གྲོང་མི་ཚོས་དར་ལྕོག་ཉོས་ནས་ལོ་གསར་དུས་ཆེན་བསུ་བ།

     མི་དམངས་དྲ་བའི་འཕྲིན། དར་ཚོན་སྣ་ལྔའི་ནང་གི་ཚོན་མདོག་ལྔ་པོ་ནི་སྔོན་པོ་དང་། དཀར་པོ། དམར་པོ། ལྗང་གུ། སེར་པོ་བཅས་ཡིན་ཞིང་། དེ་ལྔ་ཡིས་ནམ་མཁའ་དང་། སྤྲིན། མེ། ཆུ། ས་བཅས་མཚོན་ཡོད། བོད་ལུགས་ལོ་གསར་གྱི་སྐབས་སུ་བོད་པ་ཚོས་དུས་བཟང་བསྐལ་བཟང་གི་ཉིན་ཞིག་བདམས་ཏེ་རང་ཁྱིམ་གྱི་ཐོག་ཁའི་དར་ལྕོག་བརྗེས་པ་དང་། དེ་དང་ཆབས་ཅིག་ཏུ་ལོ་གཅིག་ནང་ལ་ལོ་ལེགས་འབྱུང་ཞིང་བྱ་བ་ལམ་འགྲོ་ཡོང་བའི་བཀྲ་ཤིས་སྨོན་འདུན་ཡང་ཞུ་རྒྱུ་རེད།