༄༅།།"ཤར་ཕྱོགས་རྒྱུ་སྐར"རྟགས་ཅན་གྱི་གྲུ་གཟིངས་ཀྱི་དོན་རྐྱེན་ཁྲོད་རྐྱེན་ལམ་ཤོར་བའི་
མི་གྲངས་434རུ་འཕར་བ།

     གསར་འགོད་པས"ཤར་ཕྱོགས་རྒྱུ་སྐར"རྟགས་ཅན་གྱི་འགྲུལ་སྐྱེལ་གྲུ་གཟིངས་འབྲི་ཆུའི་ནང་མགོ་རྟིང་ལོག་པའི་དོན་རྐྱེན་བྱུང་སའི་མྱུར་སྐྱོབ་བཀོད་འདོམས་པུའུ་ནས་ཤེས་རྟོགས་བྱུང་བ་ལྟར་ན། ཟླ་6ཚེས་8ཉིན་གྱི་སྔ་དྲོར་དོན་རྐྱེན་བྱུང་སའི་མྱུར་སྐྱོབ་འཚོལ་ཞིབ་མི་སྣས་ཡང་རྐྱེན་ལམ་དུ་ཤོར་བའི་མི་གཉིས་ཀྱི་བེམ་པོ་རྙེད་པས། རྐྱེན་ལམ་དུ་ཤོར་བའི་མི་གྲངས་434རུ་འཕར་བ་རེད། དེའི་ཐོག་སྲོག་ཉེན་ལས་ཐར་བའི་མི་14དང་བསྣན་ན། ད་དུང་མི་8གར་སོང་ཆ་མེད་དུ་གྱུར་ཡོད་པ་རེད།