༄༅།།མིག་སྔར་བོད་རང་སྐྱོང་ལྗོངས་སུ་སྤྲུལ་སྐུ་ཁྱོན་བསྡོམས་358ཡོད་པ།

      མི་དམངས་དྲ་བའི་འཕྲིན། སྤྲུལ་སྐུ་ལམ་ལུགས་ནི་བོད་བརྒྱུད་ནང་བསྟན་གྱི་དམིགས་བསལ་ཁྱད་ཆོས་ཤིག་ཡིན་ཞིང་། ལོ་དུ་མའི་རིང་རྒྱལ་ཁབ་ཀྱིས་ལམ་ལུགས་འདི་ཉིད་ལ་གཙིགས་མཐོང་གལ་ཆེན་གནང་གི་ཡོད། 
       ཉེ་སྔོན་ཀྲུང་གོའི་ནང་བསྟན་མཐུན་ཚོགས་བོད་ལྗོངས་ཡན་ལག་ཚོགས་པའི་ཚོགས་གཙོ་སྒྲུབ་ཁང་ཐུབ་བསྟན་མཁས་གྲུབ་ལགས་ཀྱིས་གསར་འགོད་པར་གསུངས་དོན། ཉེ་བའི་ལོ་ཤས་རིང་བོད་རང་སྐྱོང་ལྗོངས་ཀྱིས་ལོ་རྒྱུས་ངེས་སྲོལ་དང་ཆོས་ལུགས་ཀྱི་ཆོ་ག་ལྟར་སྡེ་དྲུག་སྐུ་ཕྲེང་ལྔ་བ་འཇམ་དབྱངས་སྐལ་བཟང་རྒྱ་མཚོ་དང་རོང་བོ་ཆོས་རྗེ་སྐུ་ཕྲེང་བརྒྱད་པ་བློ་བཟང་དོན་གྲུབ་གཉིས་ཀྱི་ཡང་སྲིད་སོགས་ཡང་སྲིད་40ལྷག་སྔ་རྗེས་སུ་བདེ་བླག་ངང་ཐུགས་ཐག་བཅད་དེ་ཁྲིར་མངའ་གསོལ་ཡོད་པས། མིག་སྔར་བོད་རང་སྐྱོང་ལྗོངས་སུ་སྤྲུལ་སྐུ་ཁྱོན་བསྡོམས་358ཡོད།