༄༅།།ཝུའུ་ཧན་དུ་འཛམ་གླིང་ཐོག་བར་ཐག་རིང་ཤོས་ཀྱི་དཔྱང་ཟམ་ཉིས་བརྩེགས་ཅན་སྐྲུན་འགོ་ཚུགས་པ།

     མི་དམངས་དྲ་བའི་འཕྲིན། ཟླ་༡༢ཚེས་༣ཉིན་གྱི་སྔ་དྲོའི་ཆུ་ཚོད་༩པ་ཙམ་ལ་ཀྲུང་གོ་ལྕགས་ལམ་ཟམ་ཆེན་ཅུས་ཀྱིས་བསྐྲུན་འགན་འཁུར་བའི་འཛམ་གླིང་ཐོག་བར་ཐག་རིང་ཤོས་ཀྱི་དཔྱང་ཟམ་དང་འབྲི་ཆུའི་གཞུང་ལམ་གྱི་ཟམ་ཆེན་ཉིས་བརྩེགས་ཐོག་མ་ཡིན་པའི་ཝུའུ་ཧན་ཡང་སེ་གྲུ་ཁའི་འབྲི་ཆུའི་ཟམ་ཆེན་དངོས་སུ་སྐྲུན་འགོ་ཚུགས་པ་རེད།
     ཀྲུང་གོ་ལྕཊ་ལམ་ཟམ་ཆེན་ཅུས་ཀྱི་སྤྱི་གཉེར་བ་ཧུའུ་ཧན་ཀྲོའུ་ཡིས་ཡང་སེ་གྲུ་ཁའི་འབྲི་ཆུའི་ཟམ་ཆེན་དེ་དཔྱོང་ཐེངས་གཅིག་ལ་ཆུ་ཁ་སྒྲོལ་བར་རིང་ཚད་སྨི་༡༧༠༠དང་ཁྱོན་ཡོངས་ཀྱི་རིང་ཚད་ལ་སྤྱི་ལེ་༤.༡༣ཟིན་པ་དེའི་རྣམ་གྲངས་ཧྲིལ་པོར་ཟླ་༥༤འགོར་རྒྱུ་དང་། རགས་རྩིས་བྱས་ན་མ་དངུལ་སྒོར་དུང་ཕྱུར་༨༥ཙམ་གཏོང་རྒྱུ་རེད། ཟམ་ཆེན་གྱི་སྟེང་ལ་རླངས་འཁོར་ཆུ་ཚོད་རེར་མྱུར་ཚད་སྤྱི་ལེ་༨༠གཏོང་ཆོག་པ་དང་ཁ་སྤྲོད་ངང་ཡོང་ཆོག་པའི་འཁོར་ལམ་དྲུག་དང་གཞོགས་གཉིས་སུ་ཡུལ་ལྗོངས་ལ་ལྟ་སའི་མཐོངས་རྒྱ་བཟོས་པ་དང་། འོག་མར་འཁོར་རིགས་ཆུ་ཚོད་རེར་མྱུར་ཚད་སྤྱི་ལེ་༦༠གཏོང་ཆོག་པ་དང་ཁ་སྤྲོད་ངང་ཡོང་ཆོག་པའི་འཁོར་ལམ་བཞི་དང་གཞོགས་གཉིས་སུ་འཕྲུལ་སྒུལ་མིན་པའི་འཁོར་རིགས་དང་མི་འགྲུལ་ལམ་བཟོས་ཡོད།