༄༅།།ལྷ་སའི་ལས་བྱེད་པ་དང་ལས་བཟོ་བའི་ལུས་རྩལ་འགྲན་ཚོགས་ཀྱིས་མང་ཚོགས་ཀྱི་ལུས་
སྦྱོང་ལ་སྐུལ་འདེད་བཏང་བ།

     མི་དམངས་དྲ་བའི་འཕྲིན། ཟླ་༡༡ཚེས་༡༥ཉིན་ལྷ་ས་གྲོང་ཁྱེར་ཁྲེང་ཀེན་ཆུས་ཀྱི་སྐབས་དང་པོའི་ལས་བྱེད་པ་དང་ལས་བཟོ་པའི་ལུས་རྩལ་འགྲན་ཚོགས་དེ་བོད་ལྗོངས་སློབ་ཆེན་གྱི་སློབ་ར་གསར་པའི་ལུས་རྩལ་ར་བར་བྱེད་འགོ་ཚུགས་ཤིང་། ཁྲེང་ཀེན་ཆུས་ཀྱི་ལས་རིགས་སོ་སོའི་ལུས་རྩལ་རུ་ཁག་༢༢ལྷག་འགྲན་ཚོགས་ལ་ཞུགས་ཏེ་རྐང་རྩེད་སྤོ་ལོ་དང་། ལེན་ཆིའུ་སྤོ་ལོ། ཐག་འཐེན་སོགས་ལུས་རྩལ་རྣམ་གྲངས་༧གྱི་ཐོག་ནས་འགྲན་བསྡུར་བྱས་པ་རེད།