༄༅།།༢༠༡༤ལོའི་ལྷ་སའི་ཞོ་སྟོན་དུས་ཆེན་གྱི་ཉིན་བདུན་རིང་ལྷ་ས་གྲོང་ཁྱེར་གྱིས་ཡུལ་སྐོར་བ་
མི་ཐེངས་ཁྲི་༡༤༠.༨༨སྣེ་ལེན་བྱས་པ།

     མི་དམངས་དྲ་བའི་འཕྲིན། ༢༠༡༤ལོའི་ཀྲུང་གོའི་ལྷ་སའི་ཞོ་སྟོན་དུས་ཆེན་སྤྱི་ཟླ་༨ཚེས་༣༡ཉིན་མཇུག་བསྒྲིལ་ཞིང་། བསྡོམས་རྩིས་རག་ཙམ་བྱས་པ་ལྟར་ན། མིག་སྔའི་བར་དུ་འདི་ལོའི་ཞོ་སྟོན་དུས་ཆེན་རིང་ལྷ་ས་གྲོང་ཁྱེར་གྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་༡༤༠.༨༨སྣེ་ལེན་བྱས་ཤིང་། ལོ་གོང་མའི་དུས་མཉམ་དང་བསྡུར་ན་༡༦.༠༨%འཕར་ཡོད་ལ། ཡུལ་སྐོར་ཡོང་འབབ་སྒོར་དུང་ཕྱུར་༣.༧༨ཐོབ་པ་དེ་ལོ་གོང་མའི་དུས་མཉམ་དང་བསྡུར་ན་༣༢.༡༦%འཕར་ཡོད་པ་རེད། ཐེངས་འདིའི་ཞོ་སྟོན་དུས་ཆེན་སྐབས་སྤེལ་བའི་དཔལ་འབྱོར་ཉོ་ཚོང་ངོ་འཕྲད་གྲོས་མོལ་ཚོགས་འདུའི་ཐོག་ལས་གཞི་༨༦གི་གན་རྒྱ་བཞག་པ་དང་། གན་རྒྱ་བཞག་པའི་མ་དངུལ་སྒོར་དུང་ཕྱུར་༤༦༦.༦༥༡ཟིན་ཡོད་པ་རེད།