༄༅།།ཁ་གཏད་རོགས་སྐྱོར་བྱས་ནས་བོད་ལྗོངས་ཀྱི་སྨན་བཅོས་ཆུ་ཚད་མཐོ་རུ་བཏང་བ།

    མི་དམངས་དྲ་བའི་འཕྲིན། ས་གཤིས་ཁོར་ཡུག་དང་ལོ་རྒྱུས་ཀྱི་རྒྱུ་རྐྱེན་དབང་གིས་བོད་རང་སྐྱོང་ལྗོངས་ཀྱི་སྨན་བཅོས་ཆུ་ཚོད་ཅུང་ཙམ་ཞན་མོན། འོན་ཀྱང་ཁ་གཏད་རོགས་སྐྱོར་ལོ་20བྱས་རིང་། ཀྲུང་དབྱང་དང་བོད་སྐྱོར་ཞིང་ཆེན་ཁག་གིས་རོགས་སྐྱོར་ཤུགས་ཆེན་གནང་སྟབས། མིག་སྔར་བོད་རང་སྐྱོང་ལྗོངས་ཀྱི་སྨན་བཅོས་ཀྱི་རྨང་གཞིའི་སྒྲིག་ཆས་སོགས་ཀྱི་སྤུས་ཚད་ཇེ་ལེགས་དང་། སྨན་བཅོས་ཞབས་ཞུའི་ཆུ་ཚད་ཇེ་མཐོར་ཕྱིན་ཡོད་པ་རེད། 1994ལོར་བོད་ལྗོངས་སུ་རིམ་པ་སོ་སོའི་སྨན་བཅོས་ལས་ཁུངས་1068མ་གཏོགས་མེད་པ་དང་། 2013ལོར་1413ལ་སླེབས་ཡོད་པ་རེད། དེ་མིན་སྨན་ཁང་གི་མལ་ཁྲི་1994ལོར་5042ལས་མེད་པ་དང་། 2013ལོར་11036ལ་སླེབས་ཡོད་པ་རེད། སྨན་བཅོས་ལས་དོན་མི་སྣ་1994ལོར་10424མ་གཏོགས་མེད་པ་དང་། 2013ལོར་14335ལ་སླེབས་ཡོད་པ་རེད།