༄༅།།རྒྱལ་ཡོངས་བོད་སྐད་སྨྱན་བྱད་མཐུན་སྦྱོར་ལས་དོན་ཚོགས་འདུ་ཐེངས་བཅུ་བཞི་བ་
དར་རྩེ་མདོ་རུ་འཚོགས་པ།

    མི་དམངས་དྲ་བའི་འཕྲིན། སྤྱི་ཟླ་༨ཚེས་༢༠ཉིན། རྒྱལ་ཡོངས་བོད་སྐད་སྨྱན་བྱད་མཐུན་སྦྱོར་ལས་དོན་ཚོགས་འདུ་ཐེངས་བཅུ་བཞི་བ་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་རུ་འཚོགས་འགོ་ཚུགས་ཤིང་། དཀར་མཛེས་ཁུལ་ཁུལ་ཨུའི་རྒྱུན་ཨུ་དང་། དྲིལ་བསྒྲགས་པུའུ་ཡི་པུའུ་ཀྲང་། སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་བྱམས་བློ་སོགས་དཀར་མཛེས་ཁུལ་གྱི་འགོ་ཁྲིད་ཁག་ཅིག་ཚོགས་འདུར་ཕེབས་ཤིང་གསུང་བཤད་གནང་བ་དང་། མཚོ་སྔོན་ཉིན་རེའི་ཚགས་པར་ཁང་གི་འགན་འཛིན་གཞོན་པ་དགེ་བསྙེན་དང་། བོད་ལྗོངས་ཉིན་རེའི་ཚགས་པར་ཁང་གི་སྤྱི་ཁྱབ་རྩོམ་སྒྲིག་གཞོན་པ་ངག་དབང་ཚེ་རིང་བཅས་ཚོགས་འདུར་ཕེབས་ཡོད་ལ། ཀྲུང་དབྱང་རླུང་འཕྲིན་ལས་ཁུངས་དང་ཁམས་པའི་བརྙན་འཕྲིན་ཁང་། བོད་ལྗོངས་ཉིན་རེའི་ཚགས་པར་ཁང་། སྦྲང་ཆར་རྩོམ་སྒྲིག་ཁང་སོགས་ལྗོངས་ཞིང་ལྔའི་བོད་སྐད་རླུང་འཕྲིན་དང་བརྙན་འཕྲིན། ཚགས་པར། དུས་དེབ་སོགས་སྨྱན་བྱད་ལས་ཁུངས་༢༩ཙམ་གྱི་འཐུས་ཚབ་ཚོགས་འདུར་ཞུགས་འདུག