༄༅།།ལོ་གསར་གྱི་ཚོང་ར་འཁྲུག་ཆ་དོད་པོར་འགྱུར་བཞིན་ཡོད་པ།

     མི་དམངས་དྲ་བའི་འཕྲིན། དཔྱིད་གསར་དུས་ཆེན་དང་བོད་ཀྱི་ལོ་གསར་གཉིས་ཀ་འཆར་ལ་ཉེ་བ་དང་བསྟུན་ནས། བོད་ལྗོངས་ཀྱི་གྲོང་ཁྱེར་དང་ས་ཁུལ་ཁག་ཏུ་ལོ་གསར་གྱི་ཚོང་ར་ཚང་མ་ཇེ་འཁྲུག་ཏུ་འགྱུར་བཞིན་ཡོད་པ་རེད། ལྷ་ས་གྲོང་ཁྱེར་སྙེ་མོ་རྫོང་ཕུ་གསུམ་ཤང་ནས་ཡིན་པའི་འཇིགས་མེད་ཀྱིས་ལྷ་ས་གྲོང་ཁྱེར་ར་མོ་ཆེའི་མདུན་དུ་གླས་པའི་ཚོང་ཁང་དུ་ཤམ་བུ་དང་། དར་ལྕོག སྒོ་ཡོལ་སོགས་པའི་ལོ་གསར་མཁོ་ཆས་འཚོང་བཞིན་ཡོད་པས་ཉེ་དུས་ཟླ་རེར་ཡོང་འབབ་སྒོར་ཁྲི་གཅིག་རེ་ཡོང་བཞིན་ཡོད་པ་རེད། པར་འདི་ནི་འཇིགས་མེད་ཀྱིས་ཤམ་བུ་ཞིག་འཚོང་བཞིན་ཡོད་པ་རེད།