༄༅།།ཐའེ་པེ་གྲོང་ཁྱེར་པེ་ཐོའུ་ཆུས་སུ་ས་ཡོམ་རིམ་པ་5.7བྱུང་བ།

     མི་དམངས་དྲ་བའི་འཕྲིན། ཐའེ་ཝན་གནམ་གཤིས་སྡེ་ཁག་གི་གསར་འགྱུར་ལྟར་ན། ཟླ་1ཚེས་17ཉིན་གྱི་ཆུ་ཚོད་1དང་སྐར་མ་59ཐོག ཐའེ་པེ་གྲོང་ཁྱེར་པེ་ཐོའུ་ཆུས་སུ་ས་ཡོམ་རིམ་པ་5.7བྱུང་བ་དང་། ས་ཡོམ་བྱུང་ས་ལྟེ་གནས་ནི་བྱང་གི་འཕྲེད་ཐིག་ཏུའུ་25.15 ཤར་གྱི་གཞུང་ཐིག་ཏུའུ་121.54(ཐའེ་པེ་གྲོང་ཁྱེར་སྲིད་གཞུང་གི་ནུབ་བྱང་ཕྱོགས་སུ་ལམ་ཐག་སྤྱི་ལེ་12.3ཡོད་ས)དུ་ཡིན་ཞིང་།  ཡོམ་གནས་ཀྱི་གཏིང་ཚད་ལ་སྤྱི་ལེ་140.0ཡོད་པ་རེད། གནས་འཕྲིན་སྤེལ་བའི་བར་དུ་ད་དུང་གནོད་འཚེ་ཕོག་ཚུལ་སྐོར་གྱི་སྙན་ཞུ་འབྱོར་མེད་པ་རེད།