༄༅།།ལོ་གསར་སླེབས་ལ་ཉེ་བའི་དུས་དང་བསྟུན་ནས་དར་ལྕོག་གི་ཚོང་བྲིན་པ།

     མི་དམངས་དྲ་བའི་འཕྲིན། དཔྱིད་གསར་དུས་ཆེན་དང་བོད་ཀྱི་ལོ་གསར་སླེབས་ལ་ཉེ་བ་དང་བསྟུན་ནས། བོད་ལྗོངས་ཀྱི་ས་ཁུལ་སོ་སོའི་མང་ཚོགས་ཚོས་ལོ་གསར་གྱི་མཁོ་ཆས་ཉོ་སྒྲིག་བྱེད་འགོ་བརྩམས་པ་རེད། ལོ་གསར་གྱི་མཁོ་ཆས་སྣ་ཚོགས་ནང་། ཁང་ཐོག་ཏུ་འཛུགས་པའི་དར་ལྕོག་ནི་དེའི་ཁྲོད་ཀྱི་མེད་དུ་མི་རུང་བ་ཞིག་ཡིན་པས། སྟོད་ལུང་བདེ་ཆེན་རྫོང་གི་ཞིང་བ་དོན་གྲུབ་ཚང་གིས་གོ་སྐབས་འདི་དམ་འཛིན་བྱས་ནས་ཞིང་ལས་སོས་དལ་གྱི་སྐབས་ལྷ་སར་ཕྱིན་ཏེ་གྲོང་མི་ཚོར་ལག་བཟོས་དར་ལྕོག་འཚོང་བཞིན་ཡོད་པ་རེད། ཁོ་ཚང་གི་དར་ལྕོག་དེ་ནི་བཟོ་བཀོད་ལེགས་པས། ཉོ་མཁན་མང་བོ་ཞིག་ཡོད་པ་རེད།