༄༅།།སི་ཁྲོན་ཞིང་ཆེན་གྱི་སྐབས་དྲུག་པའི་གྲོང་ཚོའི་རིག་གནས་ཡུལ་སྐོར་དུས་ཆེན་(སྟོན་
དུས)ལི་རྫོང་དུ་གཏོང་འགོ་ཚུགས་པ།
གསར་འགྱུར་སྤེལ་དུས། 【2015ལོའི་ཟླ་ 10ཚེས་16ཉིན། 14:59】 （རྩོམ་སྒྲིག་འགན་འཁུར་པ། སྙིང་ལྕགས།）
མི་དམངས་དྲ་བའི་འཕྲིན། ཟླ་10ཚེས་15ཉིན“ཕུན་སུམ་ཚོགས་པའི་ལི་རྫོང་གི་བརྩེ་བ། སྤྲོ་སྐྱིད་ལྡན་པའི་བཀྲ་ཤིས་ལུང་བ”ཞེས་པ་བརྗོད་བྱ་གཙོ་བོར་བྱས་པའི་སི་ཁྲོན་ཞིང་ཆེན་གྱི་སྐབས་དྲུག་པའི་གྲོང་ཚོའི་རིག་གནས་ཡུལ་སྐོར་དུས་ཆེན་(སྟོན་དུས)ལི་རྫོང་དུ་གཏོང་འགོ་ཚུགས་ཤིང་། དུས་ཆེན་རིང་ལི་རྫོང་གིས་སྟོན་དུས་ཀྱི་མཛེས་ལྗོངས་དང་གྲོང་ཚོའི་རིག་གནས་ཡུལ་སྐོར་ཐོན་ཁུངས་ལ་བརྟེན་ནས་ལི་རྫོང་གི་ཁྱད་ཆོས་ལྡན་པའི་ཡུལ་སྐོར་ཐོན་རྫས་འགྲེམས་ཚོང་དང་། བོད་ཆའང་ཟས་ཞིམ་འགྲེམས་སྟོན། བོད་ཆའང་མི་རིགས་ཀྱི་གླུ་གར་མཉམ་འཁྲབ། བོད་ཆའང་སྐོར་བྲོ་དགོང་ཚོགས། བརྗོད་བྱ་གཙོ་བོའི་པར་ལེན་འགྲེམས་སྟོན། འགོ་ཚུགས་མཛད་སྒོའི་རིག་རྩལ་འཁྲབ་སྟོན། མངོན་མིན་རིག་གནས་ཤུལ་བཞག་འགྲེམས་འཁྲབ། པི་ཕེང་ལུང་བའི་རི་ཆུ་ཡུལ་ལྗོངས་ལ་རོལ་མྱོང་བཅས་པའི་བོད་ཆའང་རིགས་ཀྱི་ཡུལ་གྲུའི་ངོ་མཚར་རོལ་མྱོང་བྱེད་པའི་ཁྱད་ལྡན་བྱེད་སྒོ་ཆེན་པོ་བརྒྱད་སྤེལ་རྒྱུ་རེད།
