༄༅།།<<ཧི་མ་ལ་ཡའི་གནམ་སྐོས་>>ཞེས་པའི་གློག་བརྙན་པེ་ཅིང་དུ་ཐོག་མར་བསྟན་པ།

     མི་དམངས་དྲ་བའི་འཕྲིན། ཟླ་10ཚེས་14ཉིན་དངོས་བྲིས་གློག་བརྙན་<<ཧི་མ་ལ་ཡའི་གནམ་སྐོས་>>ཞེས་པ་པེ་ཅིང་ངོ་མཚར་དུས་རབས་གློག་བརྙན་ཁང་ཐོག་མར་སྟོན་པའི་བྱེད་སྒོ་སྤེལ་བ་རེད། <<ཧི་མ་ལ་ཡའི་གནམ་སྐོས་>>ཞེས་པའི་དངོས་བྲིས་གློག་བརྙན་འདི་ལོ་བཞིའི་རིང་ལ་ཕབ་སྐྲུན་སྒྲིག་བཟོ་བྱས་པ་དང་། བོད་རིགས་ན་གཞོན་རི་འཛེག་སྣེ་ཤན་པ་བསོད་རྡོ་ཁུངས་སྣེར་བཟུང་སྟེ་རི་འཛེག་པ་ཚོས་ཇོ་རིའི་བྱང་རྒྱུད་ཀྱི་རྩེ་ལ་ཇི་ལྟར་འཛེགས་ཐུབ་པའི་གོ་རིམ་ཡོངས་དངོས་སུ་བྲིས་ནས་མཚོན་ཡོད། གློག་བརྙན་འདི་ཟླ་10ཚེས་16ཉིན་ནས་བཟུང་རྒྱལ་ཡོངས་སུ་བསྟན་རྒྱུ་ཡིན་པ་རེད།