༄༅།།བསྟུད་མར་རི་ཉིལ་གནོད་འཚེ་བྱུང་ཡང་བགྲོད་ལམ་ཤར་གཏོང་གི་ལས་དོན་མུ་མཐུད་བསྒྲུབས་པ།

        མི་དམངས་དྲ་བའི་འཕྲིན། ཟླ་8ཚེས་10ཉིན། གཟི་ཚ་སྡེ་དགུ་རྫོང་ནས་གཟི་ཚ་སྡེ་དགུའི་མཛེས་ལྗོངས་ཁུལ་བར་གྱི་བགྲོད་ལམ་དུ་རི་ཉིལ་དང་རྦབ་རྡོའི་ཉེན་ཁ་ཡོད་པ་རེད། དྲག་ཆས་ཉེན་རྟོག་འགྲིམ་འགྲུལ་སྤྱི་ཁྱབ་རུ་ཁག་དང་པོའི་ཡན་ལག་རུ་ཁག་གསུམ་པ་དང་། ཀྲུང་གོའི་ལྕགས་ལམ་ཅུད་དང་པོ་སོགས་ཀྱི་བགྲོད་ལམ་ཞིག་གསོ་རུ་ཁག་གིས་ནུས་ཤུགས་ཡོད་རྒུ་བཏོན་ནས་བགྲོད་ལམ་ཤར་གཏོང་གི་ལས་འགན་སྒྲུབ་བཞིན་ཡོད་ལ། ལས་ཀ་དཀའ་ཚེགས་ཆེན་པོ་རེད།
       ཟླ་8ཚེས་8ཉིན་གྱི་ཆུ་ཚོད་21དང་སྐར་མ་19ཡི་ཐོག སི་ཁྲོན་ཞིང་ཆེན་རྔ་པ་བོད་རིགས་ཆའང་རིགས་རང་སྐྱོང་ཁུལ་གཟི་ཚ་སྡེ་དགུ་རྫོང་དུ་ས་ཡོམ་རིམ་པ་7.0བྱུང་བ་རེད།