༄༅།།ཀྲུང་གོའི་བོད་ལྗོངས་འཕེལ་རྒྱས་གླེང་སྟེགས་ཀྱི་རྒྱལ་ཁབ་ཕྱི་ནང་གི་སྐུ་མགྲོན་ཚོས་བོད་
ལྗོངས་སུ་གཟིགས་སྐོར་ལྟ་ཞིབ་གནང་བ།

     མི་དམངས་དྲ་བའི་འཕྲིན། "2016ལོའི་ཀྲུང་གོའི་བོད་ལྗོངས་འཕེལ་རྒྱས་གླེང་སྟེགས"འགོ་རྩོམ་ལ་ཉེ་བའི་དུས། ཨ་རི་དང་དབྱིན་ཇི། ཨུ་རུ་སུ། སི་ཕན་སོགས་ཀྱི་རྒྱལ་ཁབ་30ལྷག་ནས་ཕེབས་པའི་རིག་གཅིག་མཁས་ཅན་དང་མཁས་དབང་རྣམས་ལྷ་སར་འཛོམས་པ་རེད། ཟླ་7ཚེས་4ཉིན་ནས་ཚེས་6ཉིན་གྱི་བར་དུ། རྒྱལ་ཁབ་ཕྱི་ནང་གི་སྐུ་མགྲོན་ཚོས་ལྷ་ས་གྲོང་ཁྱེར་དང་ལྷོ་ཁ་གྲོང་ཁྱེར་སོགས་སུ་གཟིགས་སྐོར་ལྟ་ཞིབ་གནང་བ་དང་། ས་གནས་ཀྱི་ཞིང་དུད་དུ་བསྐྱོད་པ། ལོ་རྒྱུས་རིག་གནས་ཀྱི་རྗེས་ཤུལ་དང་ཐོན་ལས་གླིང་། སློབ་གསོའི་གླིང་། གནད་སྨིན་དབུལ་སྐྱོར་གནས་སྤོ་ས་ཚིགས་སོགས་སུ་གཟིགས་སྐོར་གནང་ནས། བོད་རང་སྐྱོང་ལྗོངས་ཀྱི་བསྒྱུར་བཅོས་གོང་སྤེལ་དང་གནད་སྨིན་དབུལ་སྐྱོར། དཔལ་འབྱོར། སློབ་གསོ། རིག་གནས་དང་སྐྱེ་ཁམས་ཁོར་ཡུག་སྲུང་སྐྱོང་གི་གནས་ཚུལ་སོགས་རྒྱུས་ལོན་བྱས་ཏེ་བོད་ལྗོངས་ཀྱི་དར་རྒྱས་ཡར་ཐོན་དངོས་སུ་ཉམས་སུ་མྱངས་པ་རེད།