༄༅།།བོད་ཀྱི་སློབ་མ་ཚོ་དབྱར་དུས་གུང་གསེང་སྐབས་ཕྱིར་ཕ་ཡུལ་དུ་ལོག་པ།

     མི་དམངས་དྲ་བའི་འཕྲིན། ཟླ་7ཚེས་3ཉིན། ཧྲང་ཧའེ་ནས་ལྷ་སར་བསྐྱོད་པའི་དུས་གཏན་མེ་འཁོར་Z164ཡི་ནང་དུ་དམིགས་བསལ་གྱི་འགྲུལ་བ་ཁག་ཅིག་བསྡད་ཡོད་དེ། ཁོ་ཚོ་ནི་ནང་སའི་མཐོ་འབྲིང་དུ་སློབ་གཉེར་བྱས་ནས་དབྱར་དུས་གུང་གསེང་སྐབས་མེ་འཁོར་བསྡད་དེ་ཕྱིར་ཕ་ཡུལ་དུ་ལོག་པའི་བོད་རིགས་སློབ་མ་300ཡིན་པ་རེད། མེ་འཁོར་Z164ནང་གི་ཞབས་ཞུ་བ་ཚོས་ལས་རིམ་ཁག་གི་ལས་དོན་ལེགས་པར་བསྒྲུབ་ནས་སློབ་མ་ཚོ་དགའ་སྤྲོའི་ངང་ཕ་ཡུལ་དུ་ལོག་པར་བྱེད་ཀྱི་ཡོད།