༄༅།།སི་ཁྲོན་ཞིང་ཆེན་རྔ་བ་རྫོང་དུ་བོད་ཀྱི་མིག་མངས་འགྲན་བསྡུར་སྤེལ་བ།

     མི་དམངས་དྲ་བིའ་འཕྲིན། ཟླ་4ཚེས་16ཉིན་སི་ཁྲོན་ཞིང་ཆེན་རྔ་བ་རྫོང་གིས་སྐབས་དྲུག་པའི་བོད་ཀྱི་མིག་མངས་འགྲན་བསྡུར་སྤེལ་ཞིང་། སི་ཁྲོན་དང་། ཀན་སུའུ། མཚོ་སྔོན། བོད་ལྗོངས་སོགས་ནས་ཕེབས་པའི་འགྲན་ཞུགས་པ་80ལྷག་གིས་ཉིན་གསུམ་རིང་གི་ཛ་དྲག་ཆེ་བའི་འགྲན་བསྡུར་བྱས་པ་བརྒྱུད་ཨང་རིམ་གསལ་པོར་ཐོན་པ་རེད། ཐེངས་འདི་བོད་ཀྱི་མིག་མངས་འགྲན་བསྡུར་སྤེལ་བ་དེས་གཞིས་ཆགས་འབྲོག་པ་མང་ཚོགས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བ་མ་ཟད། བོད་ཀྱི་སྲོལ་རྒྱུན་རིག་གནས་འཛིན་སྐྱོང་སྤེལ་གསུམ་ཡང་བྱས་པ་རེད།